14 qazanda AQSh-tyń Rozenberg qalasynda ótetin kásipqoı boks keshinde Jánibek Álimhanuly men germanııalyq Vınchenso Gýalterıdiń kúsh synasatyny belgili.
Bul básekeden bólek, sol jarysta taǵy birneshe áıgili boksshy rıngke kóteriledi. Atap aıtsaq, 2021 jyly ótken Olımpııa oıyndarynyń kúmis júldegeri Kıshon Devıs (9-0, 6 KO) Nahır Olbraıtpen (16-2, 7 KO) judyryqtasady. Tokıo Olımpıadasynda dál sol mejeden kóringen Rıchard Torres (6-0, 6 KO) Don Heınsvortpen (17-8-1, 15 KO) aıqasady. Japonııanyń astanasynda jeńis tuǵyryna kóterilgen taǵy bir boksshy Dıýk Regan (8-0, 1 KO) Hose Perespen (11-1-2, 5 KO) sheberlik baıqasady. Esimderi atalǵan bylǵary qolǵap sheberleriniń alǵashqy beseýi – AQSh-tan, altynshysy – Meksıkadan.
Esterińizge sala keteıik, orta salmaqta óner kórsetetin Álimhanuly men Gýalterı arasyndaǵy jekpe-jekte WBO jáne IBF nusqalary boıynsha eki birdeı chempıondyq belbeý sarapqa salynady.