Qorǵanys mınıstri, general-polkovnık Rýslan Jaqsylyqov «Batyl toıtarys-2023» strategııalyq komandalyq-shtabtyq oqý-jattyǵýyna qatysyp, erekshelengen úzdik jaýyngerlerdi marapattady.
«Jaǵalaý» polıgonynda ótken marapattaý rásiminde mınıstr kúrdeli oqý-jaýyngerlik mindetterdi oryndaýda kórsetken shydamdylyǵy, batyldyǵy men óz isine shyn berilgendigi úshin áskerı qyzmetshilerge alǵys aıtty.
– «Batyl toıtarys» oqý-jattyǵýynda mańyzdy synaqtan abyroımen óte otyryp, oqý jyly ishinde úırengen mashyqtaryńdy kórsettińder. Eldiń egemendigi men aýmaqtyq tutastyǵyn qorǵaýdy qamtamasyz etý úshin qarqynymyz ben sheberligimizdi arttyrýymyz qajet. Áskerı áleýetti nyǵaıtý, áskerlerdiń jaýyngerlik ázirligin, utqyrlyǵyn arttyrý, úzdiksiz jetildirý jáne damytý – mine, osylar Qarýly kúshterdiń basty mindeti, – dep atap ótti general-polkovnık.
Qazaqstan Prezıdenti – Qarýly kúshterdiń Joǵarǵy Bas qolbasshysy Qasym-Jomart Toqaevtyń atynan jaýyngerlik sheberligi men joǵary moraldyq rýhy úshin áskerı qyzmetshiler ataýly saǵattarmen marapattaldy. Saltanatty jaǵdaıda Memleket basshysynyń atynan 32363 áskerı bólimi komandıriniń orynbasary, podpolkovnık Aıdos Isaevqa, Desanttyq-shabýyldaý áskerleri qolbasshysy basqarmasynyń aǵa ofıseri, podpolkovnık Taras Rojnovqa, 58012 áskerı bólimi pontondy kópir batalony komandıriniń orynbasary, maıor Aıdos Baqytbekovke, 12740 áskerı bólimi 4 shabýyldaý rotasynyń mehanık-júrgizýshisi Dáýren Avkýbaevqa, 53957 áskerı bólimi armııa avıasııasy armııa eskadrılıasynyń aǵa ushqyshy, kapıtan Erkebulan Qalıaqparovqa baǵaly syılyqtar tartý etildi.
Qorǵanys mınıstriniń atynan ınjenerlik-pozısııalyq batalony shtabynyń bastyǵy, kapıtan Aqjol Ińkárbekke, 18404 áskerı bólimi 2 desanttyq-shabýyldaý rotasynyń aǵa maman-júrgizýshisi, qatardaǵy jaýynger Saıat Amanjanǵa, 63193 áskerı bólimi 7 parashıýttik-desanttyq rotasynyń starshınasy, 3-synypty serjant Beıbit Satymbekovke, 10228 áskerı bólimi jóndeý sehynyń bastyǵy, maıor Vıtalıı Sokolovqa, 73652 áskerı bóliminiń tehnıgi, serjant Batyrbek Kenjebaevqa, 26363 áskerı bólimi arnaıy óńdeý rotasynyń komandıri, aǵa leıtenant Álibek Qaırahanǵa, 12881 áskerı bólimi baılanys vzvodynyń júrgizýshisi, kishi serjant Qaıyrjan Sarybaıǵa, 48386 áskerı bólimi barlaý tobynyń serjanty, aǵa serjant Erhat Jumaǵulovqa, Almaty óńirlik garnızony áskerı polısııa basqarmasynyń aǵa ofıseri, maıor Esbol Qańlybaevqa, 16194 áskerı bólimi baılanys batalony shtabynyń bastyǵy, kapıtan Fazyl Seıfýlovqa da ataýly saǵattar tabystaldy.
Aýqymdy oqý-jattyǵý barysynda bólimsheler men oǵan jumylǵan kúsh qurylymdaryn úılestirýde qol jetken qundy tájirıbe jeke quramnyń kásibı sheberligin, áskerlerdiń jaýyngerlik ázirligi men jaýyngerlik qabiletin arttyrýǵa yqpal etetin bolady.