Qazaqstan Prezıdenti Qasym-Jomart Toqaev halyqqa Joldaýynda eldegi alǵashqy atom elektr stansasyn salý-salmaý máselesin sheshý úshin referendým ótetinin málimdedi. Onyń naqty kúni keıinirek habarlanady.
Ortalyq Azııada ornalasqan memleket bul ıdeıany talaıdan beri talqylap keledi. Úkimet jańa óndirý qýaty qajet ekenin alǵa tartady. Qazirgi tańda ońtústik-shyǵysta ornalasqan Almaty oblysynda nysannyń josparlanǵan orny belgilendi. Biraq jobaǵa qarsylar jeterlik. Birinshiden, AES-tiń qaýipsizdik máselesine alańdaıdy. Ekinshiden, Keńes úkimeti tusynda Semeı ıadrolyq synaq polıgony Qazaqstan halqyna ábden úreı salǵan.
«Atom energetıkasyn damytý asa mańyzdy ekonomıkalyq jáne saıası máselege aınaldy. Atom elektr stansasyn salý qajet pe, joq pa degen saýalǵa qatysty túrli pikir bar ekenin bilesizder.
Qazaqstan – álemdegi eń iri ýran óndirýshi memleket. Endeshe, óz jerimizde atom stansasyn salýǵa ábden qaqymyz bar. Keıbir sarapshylar shaǵyn ıadrolyq stansalar salý kerek degen pikir aıtady. Alaıda kóptegen azamat pen birqatar sarapshy ıadrolyq stansanyń qaýipsizdigine kúmánmen qaraıdy.
Semeı polıgony halqymyzǵa qanshama qasiret ákelgenin eskersek, olardyń kúdigin túsinýge bolady. Sondyqtan bul másele boıynsha qoǵamdyq tyńdaýlardy, egjeı-tegjeı, keń aýqymdy talqylaýlardy jalǵastyrýymyz kerek. Biz mańyzdy strategııalyq máselelerge qatysty túpki sheshimdi referendým arqyly qabyldaýymyz qajet», dedi Q.Toqaev.
Toqaevtyń ekonomıkalyq ustanymy
Prezıdent Qasym-Jomart Toqaev «Ádiletti Qazaqstannyń ekonomıkalyq baǵdary» atty Joldaýynda aýqymdy ekonomıkalyq reformanyń kún tártibin jarııalady.
Bul keshendi jospar Qazaqstannyń gúldengen bolashaǵyn qalyptastyrýǵa, sonymen birge eldiń ekonomıkalyq ózin-ózi qamtamasyz etýine degen umtylysyn kórsetedi. Joldaýdaǵy negizgi taqyryptyń biri Qazaqstanda qarqyndy ındýstrııalyq negiz qurýǵa baǵyttaldy. Ekonomıkanyń qozǵaýshy kúshi sanalatyn ındýstrııalandyrý Qazaqstanǵa bóten emes. Degenmen Prezıdent aýyr mashına jasaý, ýran baıytý jáne avtomobıl quramdas bólikteri sekildi salalardy jandandyrýǵa tapsyrma berip, ekonomıkany ártaraptandyrýǵa erekshe den qoıyp otyr.
Sonymen qatar alǵashqy úsh jylda sheteldik jáne otandyq ınvestorlardy salyqtan bosatý týraly usynys Qazaqstannyń qomaqty ınvestısııa tartýdy maqsat etkeniniń aıqyn belgisi. Bul qadam tikeleı sheteldik ınvestısııalardy tartýǵa jol ashady.
Prezıdent Toqaevtyń salyq-bıýdjet jáne aqsha-nesıe saıasatyn úılestirýge shaqyrýy turaqty ekonomıkalyq ósimge qol jetkizýge umtylysty kórsetedi. Jospar boıynsha jyl saıyn el ekonomıkasy 6-7 paıyz kólemde ósýge tıis, bul Qazaqstannyń uzaqmerzimdi damýy úshin óte mańyzdy. Mundaı ósimge qol jetkizý ınflıasııa men qarjylyq turaqsyzdyqqa qaýip tóndirmeı, ekonomıkalyq belsendilikti yntalandyrý úshin fıskaldyq jáne monetarlyq quraldardy utymdy basqarýdy talap etedi.
Prezıdenttiń básekelestikti arttyrý jáne korporatıvtik nesıelendirýdi arttyrý úshin sheteldik bankterdi tartýǵa basa nazar aýdarýy – bıznes úshin kapıtaldyń qoljetimdiligin qamtamasyz etý jolyndaǵy mańyzdy qadam.
Qazaq eliniń órshil bastamasy
Prezıdent Qasym-Jomart Toqaev «Ádiletti Qazaqstannyń ekonomıkalyq baǵdary» atty halyqqa Joldaýynda eldiń ekonomıkalyq jáne saıası bolashaǵynyń órshil baǵytyn belgiledi.
Qazaq memleketiniń damý traektorııasyn jiti baqylap júrgender úshin Prezıdenttiń jospary júzege asatynyn túsinedi. Ekonomıkalyq turǵydan Prezıdent ýtopııalyq uzaqmerzimdi maqsatty emes, onyń ornyna pragmatıkalyq kózqarasty tańdady. Aldaǵy úsh jylda qol jetkizýge bolatyn mindetter júktedi.
Jahandyq ekonomıkalyq belgisizdik jaǵdaıynda ózin-ózi qamtamasyz etýge baǵyttalǵan kúshti ındýstrııalyq negizdi qalyptastyrý utymdy qadam. Onyń ústine ekonomıkany ártaraptandyrý, ásirese metaldardy, munaıdy, gazdy jáne ýrandy tereń óńdeýde Qazaqstannyń ekonomıkalyq bolashaǵyn saqtaý mańyzdy.