Qazaqstan qor bırjasy (KASE) 15:30-daǵy jaǵdaı boıynsha dollardyń ortasha saralanǵan baǵamy taǵy 2,72 teńgege qymbattap, 464,48 teńge bolǵanyn habarlady, dep jazady Egemen.kz.
Qytaı ıýaniniń ortasha saralanǵan baǵamy 63,32 teńgege (+0,25) deıin kóterildi.
Ulttyq bank eýro baǵamyn - 495,14 teńge, rýbl baǵamyn - 4,72 teńge dep belgiledi.
Aqsha aıyrbastaý oryndarynda dollar – 461 - 464 teńge, eýro – 494,5 - 498,5 teńge, reseı rýbli – 4,69 - 4,89 teńge aralyǵynda saýdalanyp jatyr.
Aıta ketsek, búgingi saýdada álemdik munaı baǵasy sál arzandady.
Máselen, ICE Futures elektrondyq saýdasynda Brent markaly munaıdyń qarashadaǵy fıýchersteriniń quny barreline 0,35%-ǵa arzandap, 90,28 dollardy qurady.
Al NYMEX elektrondyq saýdasynda WTI markaly munaıdyń fıýchersteri 0,47%-ǵa arzandap, barreline 87,13 dollar boldy.