Shoqan Ýálıhanov atyndaǵy jekemenshik mektepte 7-11-synyp oqýshylary úshin 520 orynǵa arnalǵan ınnovasııalyq korpýs ashyldy. Jańa ǵımarat 9 baǵyt boıynsha oqytý baǵdarlamalaryn qamtıdy. Ár baǵytqa sáıkes, mektep túlekterine tıisti sertıfıkattar, dıplomdar men alǵyshattar tabystalady.
Innovasııalyq ǵımaratta 600 sharshy metr sport zaly, úlken kıiz úı pishindi 80 oryndyq kitaphana, joǵary deńgeıde jabdyqtalǵan 3 dáris zaly, LED ekrandy amfıteatr, 400 oryndyq ashana, horeografııa, dzıýdo zaldary, oqýshylardyń demalýyna arnalǵan 10-nan asa shyǵarmashylyq aımaq pen ashana ornalasqan.
Mekteptiń negizin qalaǵan mesenat Ásel Tasmaǵambetovanyń aıtýynsha, ınnovasııalyq korpýstyń ashylýy – mektep qurylǵaly josparlanǵan mańyzdy qadamnyń biri. Bul ortalyqta oqýshylardyń kásibı salada ǵana emes, mádenı muramyzdy, tarıhymyzdy maqtan tutatyn tulǵa bolyp qalyptasýyna tolyqqandy jaǵdaı jasalǵan.
Shoqan Ýálıhanov atyndaǵy jekemenshik mektep on jyldan asa ýaqyt ishinde halyqaralyq ekologııalyq standartqa ıe bola otyryp, bilim berý isinde úzdik tájirıbe men sapaly bilimge qoljetimdilikti qamtamasyz etip keledi. Oqýshylardy únemi yntalandyryp otyrý maqsatynda úzdik oqýshylarǵa arnaıy granttar men shákirtaqy qarastyrylǵan.
ALMATY