Fýtboldan Qazaqstan ulttyq quramasy Eýro – 2024 irikteý týry aıasyndaǵy kezekti matchyn ótkizip, «Astana Arena» stadıonynda Fınlıandııa quramasyna 0:1 esebimen ese jiberdi. Oıynnyń 78-mınýtynda Olıver Antman enshisine gol jazdy. Jeńiliske qatysty ulttyq quramanyń bas bapkeri Magomed Adıev óziniń pikirin bildirdi, dep habarlaıdy Egemen.kz.
«Amal qansha, utyldyq, olardyń myqtylyǵyn moıyndaý kerek, biraq bizge teń nátıjemen tarqasýǵa da múmkindik bar edi. Gol soǵatyn oraı olarda da, bizdiń jigitterde de boldy. Matchtyń 2-taımy da teń nátıjemen aıaqtalar dep oılaǵam, biraq qarsylastar gol soǵyp ketti. Alańnyń ortasynda da basymdyqty óz qolymyzǵa alýǵa umtyldyq, taktıkalyq jospar boıynsha jeńiske jetýge barymyzdy saldyq. Bul jeńilisten keıin kelesi matchqa basqa jospar túzemiz, ózgerister bolady. Qarsylastyń bári tegeýrindi, kez kelgen qurama upaı joǵaltady, jeńisti merekeleýmen qatar jeńilisti de kótere bilý kerek. Ras, bizdi qoldaýǵa qara orman jankúıer keldi, stadıonnyń aýrasy tipti bólek bolǵanyn jan júıemizben sezindik. Osyndaı qoldaý men qurmettiń óteýine jeńis syılaýǵa tyrystyq. Jeńilisti qabyldaý jankúıerge de qıyn, aýyr soǵady, bas bapker úshin de júrekke az salmaq emes», dedi Magomed Adıev.
Ulttyq qurama Eýropa chempıonatyna irikteýdiń kelesi týryn 10 qyrkúıek kúni «Astana Arena» stadıonynda Soltústik Irlandııa quramasyna qarsy ótkizedi.