Otbasy – syılastyq, jarastyq ornaǵan orta, kishkentaı Otan. Sebebi otbasy – bala tárbıesiniń eń alǵashqy ujymy. Tek otbasy bizge kúsh pen ózimizge degen senimdilik beredi, ómir úıretetin sabaqtardan súrinbeı ótýge kómektesedi, adamgershilik qundylyqqa baýlıdy. Tulǵa bolyp qalyptasý kóbinde tárbıelengen ortaǵa, adamdarǵa, olardyń araqatynasyna táýeldi bolady.
Bir sózben aıtqanda, otbasy – barlyq róli bólinip qoıylǵan qoǵamnyń shaǵyn modeli, árbir róldiń sheber oryndalýyna «otbasylyq sıýjettiń» damýyn únemi baıqap júretin kishkentaı ǵana adam ómiri baılanysty. Dana halqymyz «Otan – otbasynan bastalady» dep beker aıtpaǵan. Otbasynyń qamqorshysy men tireýi – er azamaty, shańyraǵynyń shyraıyn keltirip, yrysyn eselep, yntymaǵyn qamtamasyz etetin – adal jary.
Osy tusta kitaphanamyzda Otbasy kúnine oraı «Otbasy – ult rýhynyń aınasy» taqyrybynda ónerli otbasy Dýlat, Rıta Aıtjanovtarmen kezdesý keshi ótti. Shańyraqty ánmen áýeletip, ómirde de, óner jolynda da birge júrgen ónerli juptyń shyǵarmashylyq jańalyqtarymen bastaý alǵan suhbat otbasylyq qundylyqtar týraly óreli áńgimege ulasty.
Kezdesýdegi maqsat – ónegeli otbasyn jastarǵa úlgi etý, jas urpaqty jaqsylyqqa, eńbekqorlyqqa, adaldyqqa tárbıeleý, ata-anaǵa degen qurmetin arttyrýǵa úles qosý. Januıalyq dýet ásem ánderimen jınalǵan jastarǵa kóterińki kóńil-kúı syılady. Kezdesý keshine №36 mektep oqýshylar jáne Aqtóbe gýmanıtarlyq kolledjiniń stýdentteri qatysty. О́nerli jup qoıǵan saýaldarǵa aqtaryla jaýap berdi. Sonymen birge arnaıy uıymdastyrylǵan oıyndarmen ortany qyzdyrdy.
Kezdesý keshi sońynda S.Jıenbaev atyndaǵy oblystyq jasóspirimder kitaphanasy dırektorynyń mindetin atqarýshy Altyngúl Asqarqyzy sóz sóılep, olarǵa shyǵarmashylyq tabystar tilep, Otbasy kúni merekesimen arnaıy quttyqtap, qonaqtarymyzǵa arnalǵan syı-sııapattaryn tartý etti.
Qorytyndylaı kele, otbasy adamdyq qundylyqtardyń, mádenıet, adamgershiliktiń qorǵaýshysy, urpaqtardyń tarıhı sabaqtastyǵy, qoǵamdaǵy turaqtylyqtyń faktory bola bermek demekpiz.
Tolǵanaı О́MIRJANQYZY,
S.Jıenbaev atyndaǵy oblystyq jasóspirimder kitaphanasynyń qyzmetkeri
Aqtóbe oblysy