Áskerge shaqyrýdyń jańa júıesi

Osy kúzde Shymkentten 900-den astam azamat áskerı qyzmetke shaqyrylady. Al alǵashqy lekte 26 jas sarbaz áskerge jiberildi. Birinshi komandany saltanatty túrde shyǵaryp salý qalalyq qorǵanys isteri departamentiniń saptyq alańynda ótti. Áskerge shaqyrylýshylardy osy mańyz­dy oqıǵamen quttyqtaýǵa qala­lyq ardagerler uıymynyń ókil­deri, jalpy bilim beretin me­ke­me­degi «Jas sarbaz» áskerı-patrıot­tyq synyptarynyń tár­bıe­­­lenýshileri, áskerı polı­sııa bó­li­miniń ókilderi, garnı­zon­­nyń áskerı orkestri jáne depar­ta­menttiń jeke qura­my qatysty.

Áskerge shaqyrylýshylarǵa aq jol tilegen, Qarýly Kúshter ardagerleri qa­lalyq keńesiniń tóraǵasy, otstav­ka­daǵy polkovnık Serikbaı Ońbaev barlyq ýaqytta memleket aldynda eldiń qaýip­sizdigin, halyqtyń beıbit ómi­rin qamtamasyz etýdiń mindeti turatynyn atap ótti.

«Otany men halqyn qorǵaý er aza­mat­tyń qasıetti paryzy, buljymas boryshy bolyp sanalady. Bizdiń basty mindetimiz – ata-babamyz qaldyryp ketken ulan-ǵaıyr jerdi kózdiń qarashy­ǵyn­daı saqtaý, baılyǵymyzǵa kóz alartqan dush­pandyq áreketterge jol bermeý. Sol sebepti jastardy patrıottyq rýhta tár­bıeleý ata-analar men bilim meke­me­leri úshin úlken jaýapkershilik júk­teıdi. Ásirese álemde bolyp jatqan qazirgi kúrdeli ahýalda myqty áskerdiń bolýy kún tárbine shyqty. Bul týraly Prezıdent Qasym-Jomart Toqaev ta bıylǵy Joldaýynda jaqsy aıtyp ótti. Elimizge myqty áskerı qarýlarmen birge bilikti áskerı kadrlar qajet. Sondyqtan jastardyń áskerı mindetin óteýge qul­shynystary orasan zor bolǵanyn qa­laı­myn. Bul olardyń sanaly, jaýap­ker­shiligi zor azamat bolyp je­til­ýine­ kepildik berse, ekin­shiden óske­leń ur­paqtyń boıyn­daǵy ja­lyndaǵan pat­rıot­tyq sezimniń kórsetkishi de osymen ólshenetini ras. Osy oraıda ásker sapyna alynǵan jas jaýyngerlerge densaýlyq, tabysty qyzmet, áskerı mamandyqty abyroımen ıgerip shyǵýdy tileımin», dedi Serikbaı Ońbaev.

О́z kezeginde departament bas­ty­ǵy Ábdiǵabıt Qurbanuly, Shymkent qala­synyń jergilikti ás­kerı basqarý or­gandarynda áskerge eń úzdik jáne daıyndalǵan jastardy irikteý úshin bar­lyq jumystar jasalatynyn, min­detti túrde áskerge sha­qy­ry­­lýshylardy maman­dan­­­dyrylǵan me­kemelerde – psı­hıa­t­rııalyq, nar­ko­logııalyq, teri-venerologııalyq jáne tý­ber­ký­­lezge qarsy dıspanserlerde tir­keý­leriniń joqtyǵyna tekserý júr­giziletinin málimdedi.

– Qazir áskerge shaqyrylý­shy­lar­men óte úlken, qajyrly ju­mys bastaldy. Olardy «Áske­rı qyzmet jáne áskerı qyzmet­shi­lerdiń mártebesi týraly» zańǵa sáıkes áskerge shaqyrýdan ke­ıin­ge qaldyrýǵa nemese bosa­tý­ǵa qu­qyǵy joq úmitkerler ara­synan irik­tep alady, – dep tolyq­ty­­ryp ótti polkovnık Ábdiǵabıt Shegebaev.

Saltanatty bólimnen keıin «Jas sarbaz» áskerı-patrıot­tyq synyp­ta­rynyń tárbıe­le­ný­shileri ózderiniń aǵalaryna mýzykalyq sálemdeme joldap, pat­rıottyq ánder shyrqap berdi, son­daı-aq arnaıy syılyqtar ja­sady.

ShYMKENT