Búgin, 12 qyrkúıek – Qazaq kınosynyń kúni. 2005 jyly Qazaqstan kınematografısteri odaǵynyń basshysy bolǵan Baýyrjan Nógerbekov 12 qyrkúıekti «Qazaq kınosynyń kúni» dep ataýdy usyndy. Sodan bastap bul mereke jyl saıyn toılanyp keledi, dep habarlaıdy Egemen.kz.
Almaty kınostýdııasy 1941 jyly Qazaq KSR Halyq komıssarlary keńesiniń qaýlysymen qurylǵan edi. Keıin 1960 jyly ataýy «Qazaqfılm» kınostýdııasy dep ózgertilip, 1984 jyly oǵan qazaq kınematografııasynyń kemeńger qaıratkeri Sháken Aımanovtyń esimi berildi.
Búginde otandyq kıno salasy qarqyndy damyp jatyr. Salalyq zańnyń qabyldanýy, ulttyq kınony qoldaý ortalyǵynyń qurylýy, Qazaqstan bastamashy bolǵan kınofestıvalderdiń jańa sapalyq deńgeıge shyǵýy, qazaq fılmderiniń álemdik kınoforýmdarda moıyndalýy jáne joǵary marapattar alýy – munyń barlyǵy otandyq kınematograftyń úlken áleýetin bildiredi.