«Qar aralas jańbyr jaýady». 14-16 qyrkúıekke arnalǵan aýa raıy boljamy

«Qazgıdromet» RMK usynǵan málimetke qaraǵanda, eldiń basym bóliginde kún qubylmaly bolady. Sınoptıkterdiń boljaýynsha, jańbyr jaýyp, naızaǵaı oınaıdy, ekpindi jel soǵady. «Búkil kezeń boıyna shyǵysta, 14-15 qyrkúıekte soltústikte, 15-16 qyrkúıekte batysta, 16 qyrkúıekte respýblıkanyń soltústik-batysynda, barlyq kezeńde taýly aımaqtarda qatty jańbyr boljandy. Respýblıkanyń ońtústik-shyǵysyndaǵy oblystarda túnde qar aralas jańbyr jaýady», dedi mamandar.

Qazaqstannyń soltústik jartysynda aýa temperatýrasy túnde +3+10°, kúndiz +13+20°, ońtústikte túnde +7+15°, kúndiz +18+25° bolady.