Aqańnyń qoljazbasy ma?

«Aqańnyń atalǵan qol­jazbasy kitaphanaǵa qalaı túskeni belgisiz. 1940 jyly «Ar­naıy saqtaý qoryna» tir­kelip, 1989 jyly «Sırek qor­ǵa» aýystyrylǵan eken. So­dan beri sırek kitaptar men qol­jazbalar qorynda saqtaýly tur. Ǵalymdar tarapynan qol­jazbaǵa nazar aýdarylyp, sońǵy jyldary zertteý ju­mys­tary júrgizilýde», deıdi Ult­tyq ki­tap­hana dırektory Ba­qyt­ja­mal Ospanova.

Qoljazba sary qaǵazdan jasalǵan dápterge jazylǵan. Jazýy úlken. Ár betine 14-15 jol jazý syıǵan. Jádigerdiń alǵashqy paraǵynyń sheke­sine tóte jazýmen «Ahmet Baıtur­synuly» dep avtordyń esimi jazylsa, odan keıin «Sharýalyq ózgerisi» dep eńbektiń aty kórsetilgen. Árbir taraý aıaq­talǵan tusta avtor «A.B» dep tó­te jazýmen qoltańbasyn qoıyp otyrǵan. Bul jádiger ázir­ge ult ustazy Ahmet Baı­tur­synulynyń óz qolymen jaz­ǵan jalǵyz eńbegi sanalyp otyr.

Qoljazbasynyń jeti taraýy bútin saqtalǵan. Aqańnyń bul zertteý ju­mysy alǵash «Qazaq» gazetiniń 1915 jylǵy (№145, 146, 147, 148, 158, 161, 163) jáne 1916 jylǵy (№167) sandarynda jaryq kóripti. Al qoljazbaǵa kirmegen taǵy bir taraýdy zertteýshiler «Qazaq» gazetiniń kezekti bir nómirinen taýypty. Osyǵan qaraǵanda, qoljazba segiz taraýdan turǵan kórinedi.

Biraq «Qazaq» gazetinde jarııa­lanǵan jeti taraýda av­tordyń aty joq. «De­sek te, bul jazbanyń ıesi A.Baı­tur­synuly ekeni anyq. Aqań bul eńbekti 1930 jyldary jaz­ǵan bolýy múmkin» deıdi zert­teýshiler.

Jádigermen tanys­qan A.Baı­­­tur­­syn­­­uly mýzeı-úıiniń meń­gerý­shisi Ádi­­let Ahmetuly: «Aqań bul eń­­beginde «Mádenıet qyrqalary», «Má­­denıet tó­beleri», «Mádenıet juǵy­sy», «Má­denıettiń taraǵan joly», «Mádenıet besigi» syndy taqyryptardy qaýzaǵany baıqalady. Soǵan qaraǵanda bul eńbek ótken ǵasyrdyń ba­­synda tárkilenip, kúni bú­ginge deıin tabylmaı kele jat­qan A.Baıtursynulynyń «Má­denıet tarıhy» atty jaz­basynyń bir bólimi bolýy da múmkin» deıdi.