Prezıdent tapsyrmasyn iske asyrý maqsatynda byltyr «Qoǵamda eńbek qundylyǵy ıdeologııasyn ilgeriletýdiń 2023-2025 jyldarǵa arnalǵan keshendi josparyn» bekitken edi. Sonymen birge Úkimet qaýlysymen elimizde qyrkúıektiń sońǵy jeksenbisi Eńbek kúni bolyp jarııalandy. Búgingi tańda dataly kúndi atap ótýge baılanysty tıisti is-sharalar atqarylyp jatyr.
Qarapaıym eńbek adamyn nasıhattaýǵa arnalǵan mereke aıasynda Shymkentte de biraz is-shara uıymdastyrylady. Bul týraly memlekettik eńbek ınspeksııasy basqarmasynyń basshysy Baýyrjan Qaljanov arnaıy brıfıngte málimdedi.
«Mınıstrlik tarapynan 2023 jyly 28 tamyzda Eńbek kúnin merekeleý boıynsha is-sharalar jospary bekitilgen. Osynyń aıasynda 21 qyrkúıekte «Eńbek joly» konkýrsynyń óńirlik kezeńiniń jeńimpazdary, eńbek ardagerleri, óndiris ozattary marapattalady. Al 15 qyrkúıekten bastap azamattardyń barlyq sanatyna, onyń ishinde múgedektigi bar adamdarǵa, jumyssyz jastarǵa jumysqa ornalasýǵa járdemdesý boıynsha bos oryndar jármeńkeleri, Ashyq esik kúnderi uıymdastyrylady. Sondaı-aq turǵyndardy 16, 17 qyrkúıek kúnderi A.S.Pýshkın atyndaǵy kitaphanada «Eńbek galereıasy» fotokórmesine shaqyramyz. 20 qyrkúıekten bastap kınoteatrlar men kınozaldarda eńbek adamdary týraly kórkem jáne derekti fılmder kórsetiledi. «Meniń jetistigim – meniń nátıjem» uranymen «Eńbek kúnine» arnalǵan sporttyq is-sharalar da mereke kórkin qyzdyra túsedi», dedi B.Qaljanov
Onyń aıtýynsha, sonymen qatar #EnbekEri heshtegi boıynsha eńbek adamdary týraly eń úlgili áńgimeler boıynsha onlaın baıqaý Eńbek kúni qarsańynda qorytyndylanady.
Osydan biraz ýaqyt buryn «Eńbek joly» konkýrsynyń ótetini habarlanǵan edi. Konkýrs erejesiniń talaptaryna sáıkes úmitkerler baıqaýdyń óńirlik deńgeıinde irikteldi. Sonyń nátıjesinde konkýrsqa qatysýǵa 38 adam ótinish bildirdi. Onyń ishinde úmitkerler «Úzdik eńbek áýleti», «Jumys isteıtin jastardyń úzdik tálimgeri», «О́ndiristiń úzdik jas qyzmetkeri» atalymdary boıynsha baq synasady.
Qazirgi ýaqytta atalǵan konkýrs qorytyndylanyp, jeńimpazdary anyqtaldy. Synnan súrinbeı ótkenderge 21 qyrkúıekte dál Eńbek kúni merekesinde syı-sııapattar tabystalady.
«Osy rette qala turǵyndary men qonaqtaryn Eńbek kúnine arnalǵan is-sharalarǵa qatysýǵa shaqyramyz. Jáne de kásiporyndar men mekeme basshylyqtary sol kúni jumyskerlerin merekemen quttyqtap, Eńbek kúnin ár ujym óz deńgeıinde atap ótse ıgi bolar edi», dep sózin túıindedi bas eńbek ınspektory.
ShYMKENT