Memleket basshysy Qasym-Jomart Toqaev Tájikstan Prezıdenti Emomalı Rahmonmen kelissóz júrgizdi, dep habarlaıdy Egemen.kz Aqordanyń baspasóz qyzmetine silteme jasap.
Memleket basshysy dástúrli qonaqjaılyq kórsetkeni jáne tájik jerinde zor qurmetpen qarsy alǵany úshin Emomalı Rahmonǵa alǵys aıtty.Qazaqstan men Tájikstan prezıdentteri ekijaqty qatynastardyń qazirgi jaǵdaıy men perspektıvasyn, sondaı-aq buǵan deıin joǵary deńgeıde qol jetkizilgen ýaǵdalastyqtardyń júzege asyrylý barysyn talqylady. Kezdesýde saýda-ekonomıkalyq, kólik-logıstıkalyq jáne mádenı-gýmanıtarlyq salalardaǵy yntymaqtastyqqa basa mán berildi. Eki el basshylary strategııalyq seriktestik pen odaqtastyqty odan ári nyǵaıtýǵa ózara nıetti ekenin rastady. Sonymen qatar prezıdentter óńirlik kún tártibindegi ózekti máselelerdi qarastyrdy.