Reseıdiń «Kamyzıakı» tobynyń Qazaqstandaǵy konserti ótpeıtin boldy. Bul týraly konsert uıymdastyrýshylary habarlady, dep jazady Egemen.kz.
Jaqynda «Kamyzıakı» tobynyń Donbasstaǵy konsertte soǵysty qoldap án shyrqaǵany jelide keń tarady. Budan soń Qazaqstanda reseılik ázilkeshterdiń konsert ótkizýine tyıym salýdy talap etkender kóbeıdi.
«Konsert uıymdastyrýshylary qoǵamda rezonans týdyrǵan máselege qatysty «Kamyzıakı» tobynyń Qazaqstanda ótetin konsertterin ótkizbeý týraly sheshim qabyldady», dep habarlady Vi Project agenttigi Instagram paraqshasynda.
Uıymdastyrýshylar bıletterdi qaıtarý úshin satyp alǵan operatorlarǵa habarlasýdy usyndy.