Majarstan astanasynda «Otbasy: qaýipsizdik kilti» taqyrybynda V Býdapesht demografııalyq sammıti ótip jatyr. Oǵan 60 eldiń ókilderi, onyń ishinde Bolgarııa Prezıdenti Rýmen Radev, Italııa Premer-mınıstri Djordj Melonı, Tanzanııa Vıse-prezıdenti Fılıp Isdor Mpango, sondaı-aq Úkimet músheleri, din qaıratkerleri, BAQ ókilderi, qoǵamdyq pikir kóshbasshylary jınaldy. Vengrııa tarapynyń shaqyrýy boıynsha sammıt jumysyna Mádenıet jáne aqparat mınıstri, Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy Aıda Balaeva da qatysyp jatyr, dep habarlaıdy Egemen.kz.
Býdapesht demografııalyq sammıti Majarstan Prezıdenti Katalın Novaktyń qoldaýymen eki jylda bir ret uıymdastyrylyp turady. Jıynda álemniń túrli elderiniń saıasatkerleri, sarapshylary, din qaıratkerleri, bıznes, ǵylym jáne BAQ ókilderi demografııa máselelerin jáne otbasy ınstıtýtynyń damýyna áser etetin negizgi máselelerdi talqylaıdy.
Osy jyly 14-15 qyrkúıekte qatysýshylar bolashaq urpaq pen otbasy úshin qaýipsiz, jarqyn bolashaq qurý týraly óz oılaryn ortaǵa salady.
Aıda Balaeva otbasylyq saıasat máseleleri jónindegi ınteraktıvti sessııada sóz sóıleıdi. Sessııaǵa Vengrııa, Qatar, Túrkııa, Serbııa, Marokko, Slovenııa, Týnıs, Ekvador mınıstrleri qatysady.