Memleket basshysy Qasym-Jomart Toqaev Tájikstanǵa jumys saparynyń ekinshi kúninde Araldy qutqarý qorynyń quryltaıshy memleketteri basshylary keńesiniń otyrysynda jasaǵan baıandamasynda kezdesýdiń mańyzy zor ekenin aıtty, dep habarlaıdy Egemen.kz Aqordanyń baspasóz qyzmetine silteme jasap.
«Bizdiń búgingi kezdesýimizdiń sımvoldyq máni zor. Bıyl Halyqaralyq Araldy qutqarý qorynyń (HAQQ) qurylǵanyna 30 jyl toldy. Qor qurylǵannan bergi ýaqyt aralyǵynda transshekaralyq sý resýrstaryn birlesip paıdalaný, Aral teńizi basseınindegi ekologııalyq jáne áleýmettik-ekonomıkalyq problemalardy sheshý máseleleri boıynsha aımaqtyq yntymaqtastyqtyń mańyzdy ınstıtýtyna aınaldy. Ortalyq Azııanyń qaýipsizdigin, turaqtylyǵyn jáne ornyqty damýyn qamtamasyz etý isinde Qor zor ról atqarady», dedi Prezıdent.
Q.Toqaev Halyqaralyq Araldy qutqarý qory álem aldynda Ortalyq Azııanyń sýbektiligin tanytatyn ári yntymaqtastyqty aıqyndaıtyn mehanızmderdiń biri ekendigin atap ótti.