Petropavlda ózin páterge turǵyzǵan qartty tonaǵan alaıaq ustaldy.
Adamnyń ishi-baýyryna kirip, jyly sóılep, múláıimsip sóılegen 26 jastaǵy jigitti esirkep, páterge turǵyzǵan 69 jastaǵy jalǵyzbasty aqsaqal onyń jaqsylyqqa jamandyq jasaıtynyn sezbegen eken. Qarttyń senimine ábden kirgen ekijúzdi pále onyń telefonyndaǵy banktyq qosymshasy arqyly eki ret nesıe rásimdegen. Nesıeniń jalpy somasy - 300 myń teńge. Zeınetaqysynyń jartysy nesıeni óteýge jumsalǵanyn kórgende ǵana qart óziniń qapy soqqanyn bir-aq bilip, polısııaǵa júgingen.
Polısııa kúdiktini jedel ustap, qylmysyn moıyndatqan. Aqsha kerek bolyp qatty qysylǵan soń artynan qaıtararmyn dep osyndaı aram qylyqqa barǵan edim degen zándemniń aqtalý sózi de beker eken.
Ol urlaǵan aqshasynyń bárin býkmekerlik keńsedegi stavkalarǵa jumsaǵany da belgili boldy. Sot alaıaqtyń urlaǵan aqshasyn qaıtarǵanyn eskerip, 3 jarym jylǵa bas erkin shekteý jaszasyn belgiledi.
PETROPAVL