Qurlyqtyq hokkeı lıgasynyń (QHL) bıylǵy maýsymyn sátsiz bastap, qatarynan bes básekede utylǵan Astananyń «Barysy» sońǵy eki oıynda óz kórermenderin qýantty.
Osydan birer kún buryn ǵana Vladıvostoktyń «Admıralyn» áýpirimdep júrip jeńse, bul joly Nıjnekamskiniń «Neftehımıgin» oısyrata utty. Atalǵan match bastalǵan bette Djozef La Beıt esep ashsa, 4-mınýtta Nelson Noje ekinshi goldy soqty. Odan keıin jarty saǵattan asa ýaqyt boıy qos komanda bir-biriniń qaqpa kiltin taba almady. Tek 37 mınýttan keıin oıyn qaıta qyzdy. Ekinshi kezeńniń sońynda Raılı Baıber esepti 3:0-ge jetkizdi. Úzilisten keıin Pontýs Oberg pen La Beıt dýbldiń avtory atansa, Vsevolod Logvın men Dinmuhamed Kaıyrjan bir-bir retten mergendik tanytty. Qorytyndy esep – 8:0.
Osy jarqyn jeńisiniń arqasynda «Barys» turaqty birinshiliktiń jarys kestesinde 16-orynǵa kóterildi. Olardyń qorjynynda 7 upaı bar. Endi jerlesterimiz 21 qyrkúıekte Máskeýde jergilikti «Spartakpen» oınaıdy.