Almatydaǵy fızıka-matematıka baǵytyndaǵy Nazarbaev zııatkerlik mektebiniń oqýshylary aýtızmmen aýyratyn naýqastardyń emosıonaldy ıntellektisin damytýǵa arnalǵan «Drive Beyond» qosymshasyn jasady. Joba «Samsung Solve for Tomorrow» baıqaýynyń respýblıkalyq kezeńinde úshinshi oryn alǵan.
Qosymsha qazirdiń ózinde bilim berý ortalyqtarynda qoldanylyp keledi. Ásirese 5-13 jas aralyǵyndaǵy balalar arasynda oń nátıje kórsetip otyr. Zııatkerlerdiń ónertabysy aýtızm spektri buzylǵan adamdardyń emosııalaryn bildirýi men shyǵarýyna septigin tıgizedi. Baǵasy 10 myń teńge turatyn qosymsha naýqastyń emosııasyn jasandy ıntellekt kómegimen kórsetýine múmkindik beredi. Komanda múshesi Álıhan Serǵalıevtiń aıtýynsha, qosymsha jastar arasynda áleýmettik kásipkerlikti damytýdyń mańyzdylyǵyn kórsetedi. «Biz ár adam osy tehnologııaǵa qol jetkizýge jáne emosıonaldy daǵdylaryn damytýǵa laıyq dep sanaımyz», deıdi ol.
Al komanda tálimgeri ári fızıka pániniń oqytýshysy Denıel Komber-Todd mektep oqýshylarynyń jumysy tańǵalarlyq dúnıe ekenin jetkizdi.
Komanda aldaǵy ýaqytta qosymshany odan ári damytýǵa kúsh salmaq. Ásirese emdeý ortalyqtary úshin dıagnostıkalyq múmkindikterdi qosýdy jáne ony basqa da bilim berý mekemelerinde keńinen paıdalanýdy josparlap otyr.