Balalarǵa – bazarlyq

Baıqaýǵa qatysýǵa 48 adam­nan ótinish túsipti. Onyń ishinde balalarǵa arnalǵan óleń­der nomınasııasy boıynsha 35 aqyn, balalarǵa arnalǵan áńgi­meler atalymynda 13 jazýshy óz shyǵarmalaryn joldady. Shyǵarmalardyń avtory kór­setilmeı, sanmen belgilenip, qa­zylar alqasynyń talqysyna usynyldy.

Qazylar quramynda E.Bóke­tov atyndaǵy Qaraǵandy ýnı­versıtetiniń professory, fılologııa ǵylymdarynyń doktory Jansaıa Jarylǵapov, Qazaqstan Jazýshylar odaǵynyń múshesi, jýrnalıst Súıindik Janysbaı, aqyn, «Shyraq» tilderdi oqytý ortalyǵynyń dırektory Saıat Tuıaqbaev, E.Bóketov atyndaǵy Qa­raǵandy ýnıversıtetiniń oqy­­týshysy, fılologııa ǵy­lym­da­rynyń kandıdaty, bala­lar áde­bıetin zertteýshi Ja­nar Rús­te­mova jáne «Ortalyq Qazaqstan» ga­zeti ınternet-re­daksııasynyń re­dak­tory, aqyn Ilııas Muqaev bar.

Alqa sheshimimen eki atalym boıynsha barlyǵy 18 júl­deli oryn anyqtaldy. 3-5 jas aralyǵyndaǵy balalarǵa arnalǵan óleńder nomınasııa­synda I oryndy Qýanysh Aman­qulov enshiledi. II oryn Rýza Aldasheva men Sultan Dáý­lethanǵa buıyrsa, III oryn Ohan Zákerııa, Nurǵalı Qarabekov, Álııa Bekpenbetova syndy qa­lam­gerlerdiń qan­jyǵasyna baı­landy. Baıqaý­dyń yntalandyrý syı­lyq­tarymen Móldir Bólekova, El­mıra Orynbaeva, Aıan Kızkın marapattaldy.

6-10 jas aralyǵyndaǵy ba­la­larǵa arnalǵan áńgimeler ata­lymynda I oryn Dáýrenbek Bulanbaevqa, II oryn Jupar Jaqan men Álıhan Quljaǵa, III oryn Kámshat Tanasheva, Ánel Mahmet, Aqbota Shárbekovaǵa buıyr­­dy. Yntalandyrý syı­lyǵyn Aınur Qýanbaeva, Ámı­na Ze­ken, Zámzágúl Maýına en­shi­ledi.

– Oblystyq tilderdi damytý basqarmasynyń, Halyqaralyq «Qazaq tili» qoǵamynyń Qa­raǵandy oblysy boıynsha fı­lıalynyń qoldaýymen balalar ádebıetine qalam siltep júrgen qalamgerler arasynda uıymdastyrylǵan is-shara búldirshinderge arnalǵan, adam boıyndaǵy izgi qasıetter tá­rizdi tárbıelik máni bar ta­qy­ryptarǵa jazylǵan shyǵar­malardy nasıhattaýdy maq­sat etti, – deıdi is-sharany uıym­dastyrýshylar.

Júldegerlerdi marapattaý saltanatynda kórermender nazaryna júldeli orynǵa ıe bolǵan avtorlardyń óleńderi oqylyp, konserttik baǵdarlama usynyldy.

Qaraǵandy oblysy