Slovakııanyń bas shahary Bratıslava qalasynda Qazaqstan Elshiligi Sháken Aımanov atyndaǵy «Qazaqfılm» kınostýdııasy jáne slovakııalyq seriktestermen birlesip uıymdastyrylǵan «Qazaq kınosy kúnderiniń» ashylý saltanaty ótti, dep jazady Egemen.kz.
Bıyl 110 jyldyǵy atalyp ótip jatqan Shyǵys Eýropadaǵy alǵashqy kınoteatrlardyń biri – aty ańyzǵa aınalǵan «Mladosť» kınoteatrynda ótip jatqan fılmder tiziminde rejısser Aqan Sataev túsirgen «Tomırıs» jáne «Jaýjúrek myń bala» tarıhı fılmderi, sondaı-aq rejısser Rústem Ábdirashevtyń «Qazaq handyǵy. Almas qylysh» jáne «Qazaq handyǵy. Altyn taq» dılogııasy kórermenderge kórsetilip jatyr. Zamanaýı qazaq kınosynyń jaýharlary qazaq halqynyń azattyq jolyndaǵy qaharmandyq kúresi tarıhyn slovak jurtshylyǵyna tanystyrýdy kózdeıdi.
Bratıslavadaǵy kınopremeradan keıin Qazaqstan fılmderi Slovakııanyń basqa da birqatar aımaǵynda kórsetiledi.
Qazaqstan Respýblıkasy kúni qarsańynda ulttyq mádenıetti nasıhattaýǵa arnalǵan bul mádenı shara Qazaqstan-Slovakııa qarym-qatynasy tarıhynda alǵash ret ótkizilip otyrǵanyn aıta ketken jón.