Keshe AQSh-tyń Florıda shtatyndaǵy Plant-Sıtı qalasynda kásipqoı boks keshi ótti. Atalǵan jarysta birinshi jartylaı orta salmaqtaǵy Batyr Júkembaev argentınalyq Ýgo Alberto Roldanmen aıqasty.
32 jastaǵy qandasymyz kásipqoı boksty serik etken segiz jyl aralyǵynda 21 kezdesý ótkizip, 18 ret jeńiske jetti. 14 qarsylasyn nokaýtqa jiberdi. Eki jekpe-jektiń nátıjesi esepke alynbady. Batyr óziniń karerasynda bir ret qana jeńildi. 2021 jyldyń 29 mamyrynda Amerıkada Pýerto-Rıkonyń ókili Sabrıel Matıasqa qarsy ótken básekeniń segizinshi raýndynda ol kezdesýdi jalǵastyrýdan bas tartty. Argentınanyń ókili de 24 jekpe-jektiń tek bireýinde ǵana jeńilistiń kermek dámin tatty. Jeti aıqasty ol merziminen buryn aıaqtady.
Plant-Sıtıdegi saıys bastalǵan bette Roldan Júkembaevty nokdaýnǵa jiberdi. Desek te lezde esin jıǵan Qazaq boksshysy odan keıin qarqynyn údete tústi. Nátıjesinde, Batyr tóreshilerdiń sheshimimen jeńiske jetip, WBA NABA nusqasy boıynsha chempıondyq belbeýdi ıelendi.