Búgin, 24 qyrkúıek elimizde Eńbek kúni atap ótiledi, dep habarlaıdy Egemen.kz.
Eńbek kúni — bul adamdardy jańa eńbek shyńdaryn baǵyndyrýǵa yntalandyrýǵa, qoldaýǵa jáne shabyttandyrýǵa arnalǵan mereke. Mundaı mereke ár elde atap ótiledi. Qazaqstanda Eńbek kúni qyrkúıektiń sońǵy jeksenbisinde toılanady.
Bul kún Qazaqstan Respýblıkasy Prezıdentiniń Jarlyǵymen 2013 jylǵy qarashada jumysshy mamandyqtaryna qurmet kórsetý dástúrlerin jańǵyrtý jáne erte jastan eńbektiń mańyzdylyǵyn túsiný maqsatynda bekitildi.
Sondaı-aq elimizde eńbek adamynyń bedelin arttyrý maqsatynda «Eńbek ardageri» medali men «Qazaqstannyń Eńbek Eri» joǵary erekshelik belgisi bekitilgen.