«Urker-2023» jeńimpazdary anyqtaldy

«Memleket basshysy Túrki­s­tanda ótken ulttyq quryl­taı­da mass-medıanyń mańyzyn erek­she atap ótti. BAQ salasy únemi Prezıdenttiń nazarynda, erekshe baqylaýynda. Bıyl aqpa­rat salasynda birqatar qujat qa­byl­danǵan jyl boldy. Eń basty­sy, memlekettik aqparattyq saıasat­tyń negizin aıqyndaıtyn qujat – Doktrına qabyldandy. Qoǵam úshin onyń ishinde óskeleń urpaqty aqparat qaýipsizdigi turǵysynan qorǵaýǵa baǵyttalǵan zańdy bekit­tik», dedi A.Balaeva.

Sala basshysy BAQ sala­synda qabyldanyp jatqan jańa­shyldyqtar el ıgiligine qyzmet etetinin jetkizdi. Sondaı-aq Astana Media Week is-sharasy aıasynda medıa salasy máseleleri jan-jaqty talqylanǵanyn atap ótti.

«Astana Media Week-ke otandyq jáne sheteldik úzdik sarapshylar qatysty. Aıtýly is-sharanyń qory­tyndysy retinde «Urker» syı­lyǵy ótip jatyr. Ár jyl saıyn «Urker»-diń óz jańalyǵy bolady. Bıyl baıqaýǵa 3 jańa atalym qosyl­dy. Biz jańa ári kreatıvti me­dıa­nyń damýyna árqashan qoldaý kórsetemiz», dedi A.Balaeva.

Mınıstrdiń keltirgen derek­terine súıensek, bıyl konkýrsqa qatysýǵa rekordtyq kólemde – 450 ótinim túsken. Osy ýaqytqa deıin jalpy 74 BAQ ókili baıqaý jeńimpazy atanǵan.

«Tańdaý ońaı bolǵan joq. Degenmen qazylar alqasy óz sheshimimen úzdikterdiń úzdigin anyqtaǵanyna senimdimiz. Olardyń árqaısysyna qajyrly eńbegi úshin bólek alǵys aıtamyn», dedi Mádenıet jáne aqparat mınıstri.

Aıta keterligi, bıyl baıqaý 12 atalym boıynsha ótti, sonyń ishinde 3 jańadan qosylǵan atalym bar. «Qazaq gazetteri» jaýap­kershiligi shekteýli seriktestigi quramyna kiretin «Ana tili» gazeti júldegerler qatarynan tabyldy. Atalǵan marapatty Memlekettik keńesshi Erlan Qarın basylymnyń bas redaktory Erlan Júniske tabystady. Osylaısha, bıylǵy «Úrkerdiń» arnaıy syılyǵy – qazaq baspasóziniń eń qadirli basylymy «Qazaq» gazeti atyndaǵy júlde «Ana tili» gazetine buıyrdy.

«Bıyl qazaq baspasózi bas­taý alǵan «Qazaq» gazetiniń ja­ryq kórgenine 110 jyl tolyp otyr. Osy jyldan bastap tarıhı gazet jaryqqa shyqqan 2 aqpan Ulttyq baspasóz kúni dep bekitildi. Bar-joǵy 5 jyl oqyrmanǵa jol tartsa da, «Qazaq» gazeti mem­leketimizdiń tarıhynda óshpes iz qal­dyryp, ǵasyrdan-ǵasyrǵa jal­ǵasyp, urpaq sanasynda qaıta jań­ǵyryp jatyr. Onyń aıqyn dáleli – «Úrker» ulttyq syılyǵy aıasyn­da «Qazaq» gazetiniń 110 jyl­dyq mereıtoıyna oraı arnaıy júlde taǵaıyndalǵany. Bul – ke­zin­de Ahmet Baıtursynuly bastaǵan Alash zııalylarynyń qoltańbasy qal­ǵan basylymǵa qurmettiń bir belgisi. Alqaly komıssııa «Qazaq» gazeti atyndaǵy arnaıy syılyqqa mańdaıynda Aqańnyń sýreti men urpaqqa aıtqan ósıeti jazylǵan «Ana tili» gazetin laıyqty dep taýypty. Syılyq qutty bolsyn, áriptester!», dedi E.Qarın.

Sonymen «Jyldyń úzdik suhbaty» atalymy «Time.kz» saıty­nyń jýrnalısi Láıla Tas­tanovaǵa buıyrdy. Rabıǵa Dúsen­ǵulova («Tengrinews.kz») «Jyldyń úzdik reportajy» atalymynda jeńiske jetti. Amangúl Tileıqyzy («El.kz») áleýmettik taqyryptaǵy úzdik materıal úshin marapattaldy.

Seıdahmet Berdiqulov atyn­daǵy arnaıy atalym – «Jyl­dyń úzdik jýrnalıstik zertteýi» Anna Velıchkoǵa («Golos-naroda.kz») buıyrdy. Merýert Sarsenova («Kapital.kz») «Jyldyń úzdik analıtıkalyq materıaly» atalymynda oza shapty.

Jyldyń úzdik jańalyqtar portaly retinde «Nege.kz» saıty tanylsa, «Orda FM»-nyń «Zhas STAR» baǵdarlamasy radıostansadaǵy úzdik joba atandy. Valerıı Býgaev túsirgen sýret jyldyń úzdigi bolyp tanyldy.

Úzdik óńirlik BAQ – «Syr boıy» gazeti (Qyzylorda oblysy), Úzdik halyqaralyq BAQ (bas­pa radıo ınternet-jýrnalıstıka salasyndaǵy) – «Qazaq eli» jýrnaly (Túrkııa) atandy. Áınel Ámirhan júrgizetin «OY-DETOX» jobasy – úzdik podkast, Abaı Seıfollaulynyń «Abay Live» jobasy – úzdik You Tube kanaly atalymynda jeńiske jetti.

Budan bólek, is-shara aıasynda úzdik baspasóz qyzmeti men aq­parattyq sala qyzmetkerleri «Aq­pa­rat salasynyń úzdigi» medali­men marapattaldy. Mádenıet jáne aqpa­rat mınıstrligi qazaqstandyq jýr­nalıster arasynda júrgizgen saýal­damanyń qorytyndysy boıynsha jyldyń úzdik baspasóz qyzmeti dıplomy men músini Syrt­qy ister mınıstrligine tapsyryldy. Bul marapatty Mádenıet jáne aqparat mınıstrligi aqparat jáne qo­ǵammen baılanys salasyndaǵy ná­tı­jeli jumysy, sondaı-aq stra­tegııa­lyq kommýnıkasııany kásibı turǵyda júzege asyrǵany úshin tabys etti.

Syrtqy ister mınıstrliginiń baspasóz qyzmeti atalǵan atalymdy osymen tórtinshi ret jeńip otyr. Buǵan deıin baspasóz qyzmeti 2017, 2018, 2022 jáne 2023 jyldary marapattalǵan edi.

«Buqaralyq aqparat quraldary­nyń ókilderine elimizdiń syrtqy saıası vedomstvosynyń qyzmetine turaqty qoldaý kórsetkeni jáne shynaıy qyzyǵýshylyq tanytqany úshin shyn júrekten alǵysymyzdy bildiremiz», deıdi SIM baspasóz qyzmeti ókilderi.

Sondaı-aq bıyl Kólik mınıstr­liginiń baspasóz hatshysy Janjigit Omarhan, Qorǵanys mınıstrliginiń baspasóz hatshysy Rýslan Jan­gýlın, Ulttyq qaýipsizdik komıteti baspasóz qyzmeti basshysynyń orynbasary Maıgúl Aınabekova jáne Atyraý oblysy ákiminiń bas­pasóz hatshysy Ásel Aýdan­baeva «Aqparat salasynyń úzdigi» medaliniń ıegerleri atandy.

Aptalyqtyń sońǵy kúni úzdik medıa menedjerler men PR-ma­mandar baspasóz hatshylaryna arnap saladaǵy kadrlyq áleýet­ti arttyrýǵa jáne damytýǵa baǵyt­talǵan birqatar semınar ótti. Medıa sarapshy, «Voice Power» agent­tiginiń treneri Álııa Tekenova shyn­dyq pen ótirikti ajyratýdy úıre­tip, «Fakt-chekıng saıasatker­ler men mansapshylar úshin qor­ǵa­nys retinde» taqyrybyn túsindirdi.

Kelesi trenıngti «Myqty spı­ker­ler ortasyndaǵy teń dıa­log­ti» jýrnalıst jáne medıa mened­jer, PR-keńesshi, «Voice Power» agenttiginiń treneri Rýslan Ydyrysov ótkizdi. Al «iMAS Group» bas dırektory Danııar Bıbasar PR jáne baspasóz qyz­met­terine arnalǵan aqparat monı­torıngi júıesiniń zamanaýı qural­dary týraly aıtyp berdi. «Jasan­dy ıntellektiń bolashaǵy, jeke brendıng jáne qoǵamdyq qaty­nas­tardaǵy daǵdarys menedjmenti» jóninde kommýnıkasııalar jáne jeke brendıng boıynsha koých, strategııalyq PR boıynsha keńesshi Aqerke Berlibaı trenıng jasady.