Áleýmettik jelide Astanadaǵy mektepterdiń birinde ekinshi synyp oqýshysy baspaldaqtan qulap, jansaqtaý bólimine tústi degen aqparat tarady. Belgili bolǵandaı, qazir balanyń jaǵdaıy turaqty. Ol jansaqtaý bólimine jatqyzylǵan joq, dep habarlaıdy Egemen.kz.
«Astanadaǵy №14 mektep-gımnazııasynyń oqýshysy 2-qabatqa kóterilip bara jatqanda baspaldaqtan qulap ketti (qorshaýlar bar). Balanyń aıtýynsha, ony synyptasy ıterip jibergen. Oqıǵa ornyna dereý jedel járdem shaqyryldy», dep túsindirdi elordanyń bilim basqarmasy.
Bala qalalyq balalar aýrýhanasynda jatyr. Jaǵdaıy turaqty. Jansaqtaý bólimine túsken joq.
«Mektepte baspaldaq qorshaýlary bar. Bilim basqarmasy mektep dırektoryna qatysty shara qoldanýdy qarastyryp jatyr», delingen vedomstvo habarlamasynda.