Shahmat federasııasy uıymdastyryp jatqan «Shahmat kerýeni» jobasy Pavlodar qalasyna jetti.
10 qyrkúıekte óz bastaýyn alǵan aýqymdy joba Kókshetaý, Petropavl, Qostanaı jáne Qaraǵandy qalalaryn artqa tastap, Pavlodar qalasyna taban tiredi. 10 qarashaǵa deıin elimizdiń barlyq oblysyn aralap shyǵatyn jobanyń maqsaty – óńirlerde shahmat qozǵalysyn nasıhattaý.
«Shahmat kerýeni» jobasy aıasynda Qazaqstan shahmat federasııasynyń Pavlodar oblystyq fılıaly ashylyp, onyń tóraǵasy bolyp kásipker Artýr Shpeızer taǵaıyndaldy. Sondaı-aq «Ertis Promenade» alańynda tigilgen mobıldi kıiz úıde jergilikti sportshylar arasynda shahmat týrnıri uıymdastyryldy. Nátıjesinde, jarys jeńimpazy atanǵan 33 jastaǵy Baqyt Janǵabylov 10 qarashada Túrkistanda ótetin jobanyń grand-fınalyna joldama aldy.