Tabıǵı ósimi joǵary Túrkistan oblysynda dárigerler súıinshilep, elge taǵy bir jaǵymdy habardy jarııa etti. Oblystyq №1 perınataldyq ortalyqta 40 jastaǵy ana 11-balasyn ómirge ákeldi. Dárigerlerdiń kómegimen, otasyz.
Ortalyqtaǵy dárigerlerdiń málimdeýinshe, ana men sábıdiń jaǵdaıy jaqsy. Saryaǵashtyq Aınagúl ana on birinshi perzentin de otasyz ózi bosanǵan. Dárigerler 40 jastaǵy áıelder arasynda mundaı jaǵdaı sırek kezdesetinin aıtady. «Batyr ana» otbasynda baýyry men anasyn kútip otyrǵan 5 ul, 5 qyzymen qýana qaýyshpaq. Kópbalaly ananyń tuńǵyshy – 21 jasta. Al 11-perzentin otbasymen keńesip, Mustafa dep atapty. Bala kútimine baılanysty úıde otyrǵan Aınagúldiń kúıeýi – Saryaǵash aýdanyna qarasty Nurly jol aýylynda bas ımam.
Aıta ketelik, №1 oblystyq perınataldyq ortalyqta jyl basynan bergi 8 aıda 36 118 bala dúnıege kelgen. Olardyń ishinde 413 egiz, 4 úshem bar.
Túrkistan oblysy