Aınalaıyn, alıment tóle...

Ádette quzyrly oryndar mun­daı boryshkerlerdiń qaryzyn onyń múlkin tárkileý, elden tys jer­lerge shyǵýyna ýaqytsha ty­ıym salý, belgili bir is-áreket­ter­di jasaýǵa shekteý qoıý sııaqty zań kúshin qoldaný arqyly májbúrli túrde óndirip alyp jatady. Alaı­da onsyz da áke jylýynan qa­ǵylyp, janary jaýtańdap qal­ǵan beıkúná sábıine qaraspaq túgili, óz basyn áreń alyp júrgen­der­diń bar ekeni de belgili. Quzyrly oryndar osy jaǵyn da eskerse kerek, Tobyl qala­syn­da alıment bereshegi bar jáne probasııa qyzmetinde esepte tur­ǵan aza­mattarǵa arnalǵan bos ju­mys oryndary jármeńkesi ótti. Qos­tanaı aýdanynyń prokýratýrasy men ózge de jaýapty oryndar birlesip uıymdastyrǵan is-sharaǵa aýdannyń 18 kásiporny, jıyrma shaqty boryshker jáne probasııada esepte turǵan 34 adam qatysty.

Jármeńke barysynda usy­nyl­ǵan jumys túrleri de ár alýan. Kásip­kerlerdiń aıtýynsha, qazir aýdanda aǵash ustasy, sylaqshy, plastıkalyq tereze qu­rastyrýshy, dánekerleýshi, elektr mamany, kirpish qalaýshy, ot jaǵýshy, júk túsirýshi, qatty tur­mystyq qaldyqtardy suryp­taý­shy, júrgizýshi, mehanızator, slesar, temir ustasy sııaqty mamandar joǵary suranysqa ıe.

– Uıymdastyrýshylar usy­nyp jatqan jumystardyń bira­zyn buryn istep kórgenmin. Qo­laıy­ma keletinin tańdap aldym. Biz jubaıymyz ekeýmiz qos­tarap­ty kelisim boıynsha beıbit ajyrasqanbyz. Bastapqyda alıment merzimin keshiktirmeı jumys ornymnyń esep bólimi arqyly tólep turdym. Keıin men jumys istep jatqan seriktestik jabylyp qaldy da, birtalaı adam jumyssyz qaldyq. Odan keıin bir-eki mekemede jumys istep kórdim, biraq jalaqysy mardymsyz bolǵan soń, jumystan shyǵýyma týra keldi. Osylaısha, biraz ýaqyt jumys taba almaı júrip qalyp, qu­qyq qorǵaý organdarynyń qara tizimine iliktim. Endi osy is-shara­dan keıin jaǵdaı túzeledi degen oı­damyn, – deıdi Aleksandr esimdi azamat.

Is-shara barysynda 13 adam jumysqa ornalasty. Onyń altaýy alımentin tóleı almaı júr­gender, jeteýi probasııa qyz­me­tiniń tirkeýindegi sottalǵan adam­.

– Bos jumys oryndary jármeń­kesi sııaqty is-sharalar qatysýshylardyń bilimi men kásibi eskerile otyryp uıymdas­ty­rylady. Olar osy jerde eńbek jaǵdaıyna qanyǵyp, ju­mys berýshimen aldyn ala eńbek shartyn jasaıdy. Bul boryshkerlerdiń qordalanyp qalǵan alıment qaryzyn birte-birte óteýine múmkindik beredi. Al jumys istegisi kelmeıtin borysh­ker­ler zań belgilegen jaýap­kershilikke tartylady, – deıdi Qostanaı aýdandyq prokýra­tý­ra­synyń prokýrory Aqmeıir Temirqyzy.

Prokýratýra mamandarynyń málimetinshe, búginde alıment tólem­derin tólemegen 10 boryshker Qylmystyq kodekstiń 139-baby boıynsha qylmystyq ja­ýapkershilikke tartylǵan. Sondaı-aq 7 boryshkerge Ákim­shilik quqyq buzýshylyq týraly kodekstiń 669-babyna sáıkes ákimshilik jaza taǵaıyndalǵan.

Qostanaı oblysy