Zaýyt jumysy toqtaıdy. Nege?

Otandyq kásiporynnyń bas dırektorynyń orynbasary – bas ınjener Ádilet Shoshanbasov­tyń aıtýynsha, bul – kúrdeli jón­deý emes. Jyl saıyn júrgizi­le­tin aǵymdaǵy josparlanǵan tekserý.

«Zaýyttaǵy tehnologııalyq qon­dyrǵylardy tekserý jumy­syn júrgizý 14 qyrkúıekke jos­­par­lanǵan edi. Alaıda ony kúzgi egin ónimderin jınaý ke­zinde fermerlerdi dızel otynymen qamtýdy toqtatpaý úshin 1 qazanǵa aýystyrýǵa máj­búr boldyq. Muny kúrdeli jón­deýmen shatastyrmaý qa­jet. Bul – tehnologııalyq qondyr­ǵy­lardaǵy bólshekterdiń, torap­tardyń, mehanızmderdiń mer­ziminen buryn tozýynyń al­dyn alýǵa, jaramdylyq mer­zimin uzartýǵa baǵyttalǵan tehno­lo­gııalyq jabdyqty kútý, qada­ǵa­laý, paıdalaný jáne az-kem jón­deýge baılanysty is-sharalar ke­sheni. Osyǵan baılanysty zaýytta barlyq qondyrǵynyń jumysy toqtatylady. Biz aýa raıynyń jaǵdaıyn eskerip, tehnologııalyq qondyrǵylar­dy salqyn túskenge deıin iske qosýǵa nıettimiz», deıdi Á.Shoshanbasov.

Onyń málimetinshe, qondyr­ǵylardy tekserýge merdiger ká­sip­oryndardan 1 600-ge jýyq qyz­metker men 116 arnaıy tehnıkany jumyldyrý kózdelgen. Tekserý jumystary ónerkásip­tik qaýipsizdik salasyndaǵy «Aza­mattyq qorǵaý» týraly zańnyń talaptaryna sáıkes júrgiziledi.

«Bul kezeńde tutynýshy­lar­ǵa munaı ónimderin jónel­tý toqtamaıdy. О́ıtkeni zaýyttyń rezervýarlarynda josparly tekserý jumystary bastalǵan­ǵa deıin jınaqtalǵan munaı ónimderiniń jetkilikti qory bar. Qazir 36 myń tonna kólik janarmaıy, 32 myń tonna dızel otyny jınaqtaldy. Al qazan aıynda 16 myń tonna ben­zın, 28 myń tonna dızel oty­nyn óndirý josparlanyp otyr. Munaı ónimderiniń negizgi túr­lerin óndirý men jóneltý Ener­getıka mınıstrliginiń jospa­ryna sáıkes júzege asyry­la­dy», dep málim etti Á. Shoshanbasov.

Qazir zaýytta janarmaı túr­lerimen birge suıytylǵan gaz ón­diriledi. Energetıka mınıstr­liginiń josparyna sáıkes Aty­raý oblysyna qyrkúıek aıyna – ­5 064 tonna, Batys Qazaqstan ­oblysyna 2 940 tonna suıy­tyl­­ǵan gaz bólingen. Máselen, ­13 qyr­­kúıektegi málimetke sáı­kes Aty­­raý oblysyna 3 236 ton­na (64%), Batys Qazaqstan obly­sy­na 1 288 tonna (44%) kóleminde su­ıytylǵan gaz jóneltilgen.

Alaıda munaıly óńirde suıy­tylǵan gazdy tutyný kólemi art­qany baıqalady. Oblystyq ener­getıka jáne turǵyn úı-kom­mýnaldyq basqarmasy basshy­sy­nyń orynbasary Marat Qara­malaevtyń aıtýynsha, Atyraý­da suıytylǵan gazdy tutyný qa­jettiligi 9-10 myń tonnany qurap otyr.

«Suıytylǵan gaz Atyraý mu­naı óńdeý zaýytynan jetkizi­­le­di. Avto­kóliktermen 100 tonna suıytylǵan gaz Atyraý oblys­ynyń ishki naryǵyna, 100 tonnasy Batys Qazaqstan oblysyna, al 300 tonnasy temirjol joly arqyly Aqmola, Qostanaı oblystaryna jóneltilip jatyr. Oblys ákimdigi suıytyl­ǵan gaz tapshylyǵyn boldyr­maý maqsatynda Energetıka mı­nıstrligine, zaýytqa usynys­hat joldap, tıisti jumystar júr­gizdi. Sonyń nátıjesinde qa­zir zaýyttaǵy táýliktik gaz óndi­ri­si 650 tonnaǵa deıin ósti. Aty­raý oblysynyń ishki naryǵy­na jó­neltiletin gaz kólemi 250 ton­na­ǵa deıin ulǵaıdy. Bul gaz quıý beketterindegi kezek­ti azaı­týǵa, talonmen bosatýdy joıý­ǵa baǵyttaldy», deıdi M.Qaramalaev.

Onyń aıtýyna qaraǵanda, ob­lys ákimdigi tarapynan Ener­getıka mınıstrligine qosymsha gaz bólý jóninde usynyshattar joldanǵan. О́ńirde kún saıyn 200-250 tonna gaz tutynylady. Sondaı-aq «Teńizshevroıl» kompanııasyna suıytylǵan gazben qamtamasyz etý jóninde suranys hat jiberilgen.

Atyraý oblysy