Májilis spıkeri Erlan Qoshanovtyń tóraǵalyǵymen Bıýro otyrysy ótip, aldaǵy jalpy otyrystyń kún tártibi naqtylandy.
Aldaǵy jalpy otyrysta depýtattar qaraýyna «Eýrazııalyq ekonomıkalyq odaq sheńberinde aýdıtorlyq qyzmetti júzege asyrý týraly kelisimdi ratıfıkasııalaý týraly» zań jobasy usynylady. Bul Kelisimde Eýrazııalyq ekonomıkalyq odaq aýmaǵynda aýdıtorlyq qyzmetterdiń biryńǵaı naryǵyn qalyptastyrýǵa baǵyttalǵan normalar belgilengen. Condaı-aq Kelisim múshe memleketterde aýdıtorlyq qyzmetti júzege asyrý men retteýdiń biryńǵaı tásilin qamtamasyz etýge múmkindik beredi.
Sonymen qatar depýtattar Bıýdjet kodeksi jáne bıýdjet zańnamasyn jetildirý máselelerine qatysty zań jobalaryn jumysqa alady. Bıýro otyrysynda Parlamentarızm ınstıtýtynyń VIII saılanǵan Parlamenttiń birinshi sessııadaǵy Májilispen ózara is-qımyly boıynsha qyzmeti jáne ekinshi sessııaǵa jumys jospary týraly aqparat tyńdaldy.