Kórmege 226 kompanııa qatysady

4-6 qazan aralyǵynda óz eli­mizdi qosa alǵanda Ázerbaıjan, Bela­rýs, Germanııa, Iran, Italııa, QHR, Qyr­ǵyzstan, Lıtva, Latvııa, Polsha, Reseı, Túrikmenstan, Túrkııa, О́zbekstan, Fın­lıan­dııa, Estonııadan keletin 226 kompanııa óz stendterin usynatyn bolady.

Osy oraıda Qazaqstan Azııa men Eýropa arasyndaǵy negizgi tran­zıttik ortalyq retindegi óz us­tanymyn ny­ǵaı­typ kele jat­qan­dyǵyn aıta ketken oryndy. Qaty­sý­shylar sany ótken jylmen sa­lystyrǵanda 40%-ǵa jýyq art­qan. Kórmeni uıymdastyrý bary­syndaǵy taǵy bir erekshelik – Germanııa, Qytaı jáne Túrkııadan qatysyp jat­qan kompanııalardyń kóp bolýy. Sondaı-aq «TLO GmbH Internationale Spedition» (Germanııa), «ATTRADING» (Polsha), «Logitrans Lojistik A. S.», «Gurkan Nakliyat», Destan Transport» (Túrkııa) jáne basqa da kompanııalar óz stendterin alǵash ret usynyp otyr.

Sonymen qatar Latvııa, Lıtva, Fınlıandııa jáne Estonııa elderi­nen qatysýshylar kólik jáne qoıma logıstıkasyna arnalǵan tehno­logııa­lyq sheshimderdi usynady. Bul – elimizde bıznesti damytýǵa aıtar­lyq­taı qyzyǵýshylyq bar ekendiginiń birden-bir kórsetkishi.

Otandyq kompanııalardyń qaty­sý kórsetkishi shamamen 40 paıyz­dy quraıdy. «Qazaqstan Temir joly­nyń» quramyna kiretin kompanııalar úlken ujymdyq stendimen 2023 jylǵy ekspozısııanyń sán-saltana­tyn odan ári asha túspek. Qazaqstan­dyq kólik aptalyǵy aıasynda qyzyqty is­ker­lik baǵdarlama josparlanyp otyr. Baǵdarlama sheńberinde VI Ha­lyq­aralyq «New SILK WAY» kólik-lo­gıstıkalyq bıznes-forýmy (04.10.2023, Hilton Astana) jáne «Qazaqstandaǵy qoıma logıstıkasy naryǵy», «Kaspıı teńizindegi porttardy, termınaldardy jáne keme qatynasyn damytý» jáne «Kólik jáne logıstıka naryǵy» (4-6.10.2023, EXPO halyqaralyq kórme ortalyǵy) konferensııalary ótedi.

Bıznes-forýmda sarapshylar men qatysýshylar kólik júıeleriniń yntymaqtastyǵy men ıntegrasııasy, orta dáliz baǵytyn damytý, sondaı-aq mýltımodaldy tasymaldaý sala­syndaǵy jańa tehnologııalar men ınnovasııa­lar, júkterdi tasymaldaý tıimdiligin arttyrý jáne jet­kizý jaǵdaılaryn jaqsartý máse­lelerin talqylaıdy. Is-sharaǵa 23 el­den 500-den astam delegat qaty­sady dep kútilip otyr. Iskerlik baǵ­dar­lamadan basqa salalyq mı­nıstr­likter, vedomstvolar, qaýym­das­tyqtar men halyqaralyq kom­pa­nııalar basshylyǵynyń qatysýy­men ekijaqty kezdesýler men kelis­sózder josparlanǵan. Aıta keter­ligi, fo­rým­ǵa kelýshi­ler men qa­tysý­shy­lar­dyń yńǵaı­ly­lyǵy úshin  bıyl «Ite­ca» mobıldi qosymshasy iske qosyldy.