Memleket basshysy Qasym-Jomart Toqaev «Memlekettik tehnıkalyq qyzmet» aksıonerlik qoǵamyna bardy, dep habarlaıdy Egemen.kz Aqordanyń baspasóz qyzmetine silteme jasap.
«Mekeme qyzmetimen tanysý barysynda Memleket basshysyna Qazaqstan Respýblıkasynyń aqparattyq qaýipsizdigin qamtamasyz etý isiniń qazirgi jaı-kúıi jáne qabyldanyp jatqan sharalar jóninde málimet berildi. Prezıdentke Aqparattyq qaýipsizdiktiń ulttyq úılestirý ortalyǵynyń, Telekommýnıkasııa jelilerin basqarý ortalyǵynyń, sondaı-aq Kompıýterlik ınsıdentterge qarsy ulttyq áreket etý qyzmetiniń jáne Zııandy kodty zertteý ortalyǵynyń jumys prosesi men nátıjeleri tanystyryldy», delingen habarlamady.
Sondaı-aq aksıonerlik qoǵam basshylyǵy Prezıdentke bıylǵy jyldyń 9 aı ishinde memlekettik organdardyń resýrstary men elimizdiń asa mańyzdy nysandaryna jasalǵan 163,4 mıllıon kıbershabýylǵa toıtarys berilgeni jóninde baıandady.