Prezıdent elordanyń ındýstrıaldy nysandaryn aralaý barysynda brondy dóńgelekti tehnıka óndirýge jáne jańǵyrtýǵa mamandanǵan Kazakhstan Paramount Engineering zaýytyna da bardy, dep jazady Egemen.kz Aqordaǵa silteme jasap.
Atalmysh kompanııa 2013 jyly qurylǵan. Ol – Qazaqstan men Ortalyq Azııada dóńgelekti brondy tehnıka shyǵaratyn birden-bir kásiporyn.
Qazaqstan aýmaǵynda óz óndirisin ashý jáne básekege qabiletti zamanaýı brondy tehnıkaǵa servıstik qyzmet kórsetý, sondaı-aq túrli mindetterdi oryndaýǵa arnalǵan brondy dóńgelekti mashına óndirisin órkendetý atalǵan kompanııanyń artyqshylyǵy sanalady.
Memleket basshysy osy salany ilgeriletýdiń keleshegi zor ekenin erekshe atap ótip, kompanııany qorǵanys ónerkásibine mamandanǵan otandyq kásiporyndardy damytýǵa jan-jaqty atsalysýǵa shaqyrdy.