Ýran men munaı aksııasyna suranys artyp keledi

Oǵan sebep, ótken aıdyń basynan beri ýran óndirýshiler – 33%-ǵa, al munaı óndirýshi kom­pa­­nııalardyń aksııalary – 8%-ǵa­ rekordtyq deńgeıde ósken.

Usynylǵan aqparat kózderine qaraǵanda, shetel valıýtasyna degen suranys usynystan taǵy da asyp túsip, USD/KZT baǵamynyń aıtar­lyqtaı ósýine ákelgen. Saýda-sattyq nátıjesinde ortasha sara­lanǵan baǵamy bir dol­larǵa 477,05 teńgege (+3,06 teńge) deıin kóterilip, saýda kólemi 173,1 mln dollardy (+50,5 mln) qura­ǵan. Shetel valıýtasyn satyp alý ishki faktorlardyń áserinen máse­len,ımport úshin tólem, syrtqy mindettemelerge qyzmet kór­setý, aıyrbas baǵamyndaǵy kútý­lerdi qaıta qaraý, sonymen qatar munaı baǵasynyń tómendeýi, ınves­tor­lardyń táýekelden bas tartýy men jahandyq dollar ındeksiniń nyǵaıýynan bolǵanǵa uqsaıdy.

Aqsha naryǵynyń ındı­katıvtik baǵam­dary birshama ózgerip,TONIA 17,06-dan 17,13%-ǵa deıin ósse, SWAP 12,28-den 12,22%-ǵa deıin tómen­degen. Saýda kólemi jyl bas­y­nan beri ortasha mánnen (817 mlrd) aıtarlyqtaı joǵary bolyp, 1,4 trln teńgeni (35 mlrd teńge) qura­dy.

 Ulttyq bank usynǵan apta saıynǵy depozıtterge qaraǵanda naryqtyq suranys tómen bolyp (92 mlrd teńge), 16,5% jyldyq bazalyq mólsherleme kiristilikpen tolyq qanaǵattandyrylǵan. Osyǵan oraı, ashyq pozısııa Bas banktiń naryq aldyndaǵy taza qaryzy 4,3 trln teńge jaqyndapty.

Qor naryǵy boıynsha KASE ındeksi 4 053,5 tarmaqty (+0,75%) qurap, eń joǵary deńgeıde qalyp­tasty. «Qazatomónerkásip» (+3,9%) pen QMG (+2,1%) úlesi shıkizat naryǵyndaǵy ósimniń negizgi draıverin qurady deýge bolady.

Álemdik naryqta AQSh-tyń negizgi qor ındeksi federaldy­ úkimettiń taǵy da jabylý yqtı­mal­dylyǵynyń artýy men álsiz makrostatıstıka aıasynda 1,1-1,6%-ǵa quldyraǵanyn kórsetip otyr. Jarııalanǵan makrostatıs­tı­ka tutynýshylardyń senim ındeksi boıynsha qyrkúıek aıynda burynǵy 108,7 tarmaqtan 103 tarmaqqa deıin tómendegen.

Brent munaıynyń baǵa belgi­leýleri saýdany quldyraýmen (0,92%) aıaqtap, barreline 92,4 dollardy qurady. Naryqtyń ósý úrdisindegi úzilis álemdegi ekonomıkalyq jaǵdaıdyń nasharlaýymen suranystyń tómendeýine, sondaı-aq COVID-19 saldarynan bolǵandyǵyn aıtady.

Saýda nátıjesi USD/RUB jubynyń baǵamy bir dollar úshin 96,38 rýblge deıin ósken (+0,15%). Mundaı dınamıka­ qyrkúıek aıyndaǵy salyq kezeńiniń sońǵy kúnderinde shetel valıýtasyn satý­shylar belsendiliginiń tómen­deýimen baılanystyrady. Reseı aza­mattary úshin ınflıasııalyq kútýler qyrkúıekte 0,2 % tarmaqqa ósýdi jalǵastyryp, 11,7%-dy quraǵany bar.