Kásipkerlikti damytýǵa kedergi kóp

Senator Lázzat Rysbekova kezdesý barysynda Memleket basshysy Qasym-Jomart Toqaevtyń halyqqa Joldaýynda orta kásipkerlikti damytý máselesine nazar aýdaryp, olardyń qazirgi qarqyny tómen ekendigin atap ótkenin eske saldy.

«Qazirgi ýaqytta shaǵyn jáne orta bıznesti damytýda biz­diń elimizde birqatar másele men keder­gi bar. Olardyń ishi­nen ShOB bankteriniń kredıt berýin tómen­detý, qymbat qar­jylandyrý jáne kepilmen qam­tamasyz etýge qo­ıy­latyn talap­tardyń artýy, aına­lymdaǵy qar­jynyń tap­shyly­ǵy, ótkizý nary­ǵynyń shek­telýi, salyq júkte­mesiniń joǵa­rylyǵy, salyq­tyq jáne keden­dik ákim­shilendirý máseleleri sııaq­t­y jú­ıeli máselelerdi bólip kór­se­týge bolady», dedi Lázzat Rysbekova.

Ulttyq ekonomıka mınıstr­liginiń kásipkerlikti damytý saıasaty departamentiniń dırektory Erık Jambylov óz kezeginde parlamentshilerge ShOB damytý jóninde qabyl­danyp jatqan sharalar týraly aıtyp berdi. Onyń aıtýy­n­sha, mekeme aldaǵy qurylymdyq ekonomıkalyq reformalar­dyń negizgi aýqymyn anyqtady, munda basty mindetterdiń biri – otandyq kásipkerlerdi damytý jáne qoldaý. Ol úshin bız­nes­tiń orta segmentine, keshen­di salyq reformasyna, memle­ket­tiń ekonomıkadaǵy úlesin qys­qartýǵa nazar aýdara otyryp, damytý boıynsha jumys júr­giziletin bolady.

Kezdesý barysynda aýyl sharýashylyǵy, saýda jáne ıntegrasııa, eńbek jáne áleýmettik qorǵaý mınıstrlikteriniń, son­daı-aq «Damý» kásipkerlikti damytý qorynyń ókilderi baıandama jasady.