Ortalyqtyń jumysymen tanysty

Byltyrǵy 20 naýryzda 150 metrlik tútin murjasy opyrylyp tú­sip, kisi ólimine sebepshi bol­ǵan osy JEO-2-de tamyz aıynan beri qu­rylys ju­mys­tary qyzý qarqyn alǵan edi. Biraq «jyǵylǵanǵa – ju­dy­ryq» demekshi, qulaǵan mur­ja­ny órý kezinde 23-shi metrinen bas­tap qısyq qalanyp bara jatqany anyq­­talyp, qaıta buzyldy. Endi sony qaı­tadan órmekshi...

JEO-2-niń joǵarydan qaraıtyn uıymy – tolyq jekemenshiktegi «Sev­kaz­energo» AQ bas dırektory Anatolıı Kazanovskıı oblys ákimine qazirgi jaǵdaı týraly málimet berdi. Barlyq jóndeý jumystaryna aksıoner 12 mlrd teńge bólgenin, onyń tolyq ıgerilip, jumystardyń belgilengen merzimde aıaqtalatynyn aıtty. «Bıyl jos­par­dan tys tehnıkalyq zertteýler júr­gizildi. Onyń qorytyndysy boıynsha eshqandaı problema anyqtalǵan joq. №3-shi murjaǵa da jóndeý jumystaryn júrgizdik. Bári de jylytý maýsymyna daıyn. Jylytý maýsymy bastalatyn 1 qazannan bastap qajet etiletin 5 qazandyq-agregattyń ornyna 10 qa­zan­dyq-agregatpen iske kiriskeli otyrmyz», dedi ol.

Ǵaýez Torsanuly barlyq qyz­metterdi ınjenerlik júıeler arqy­ly qatań ba­qylaýda ustaýdy, oblystyń TKQ, ener­getıka qyzmetterine qandaı jaǵ­daıda da jetkizip otyrý kerektigin aıtty. «Bar­lyq saraptardy basqa mamandardyń tal­qylaýyna usynyp, olarmen aqyl­dasyp otyrýdy da umytpańyz», dedi ákim. Sonymen qatar ol mamandardy turaqtandyrý úshin kásiporynnyń ózi áleýmettik paketti arttyrýy kerektigin aıtty. «Aksıonerlik qoǵamǵa qaraıtyn úsh iri kásiporynda búgingi kúni 500 kadr jetispeıdi eken. Muny retke keltirmeseńizder kásiporyndardyń ju­­my­­synda jaqsy nátıje bola ma? Son­­dyqtan mamandardy qoldaýdyń áleý­­mettik sharalaryn kún tártibinen túsirmeý kerek», dedi ákim.

Sonymen birge oblys ákimi jylý júıesin ótkizetin jańa magıstraldiń qurylys jumystarymen tanysty. Búgingi tańda 1,9 shaqyrymǵa trassa tartylǵan. «Bul trassa qurylysynyń sapasyn bolashaqta paıdalanýǵa alatyn kásiporynnyń ózi baqylap otyrǵany durys eken», dedi ákim.

Soltústik Qazaqstan oblysy