Qasym-Jomart Toqaev Emomalı Rahmondy týǵan kúnimen quttyqtap, baýyrlas Tájikstandy damytý jolyndaǵy jaýapty memlekettik qyzmetine tabys pen baq-bereke tiledi, dep habarlaıdy Egemen.kz Aqordanyń baspasóz qyzmetine silteme jasap.
Memleket basshysy eki el arasyndaǵy strategııalyq seriktestikti nyǵaıtýǵa Tájikstan Prezıdentiniń qosqan jeke úlesi týraly joǵary pikir bildirdi.
Taraptar Qasym-Jomart Toqaevtyń Dýshanbege jáne Emomalı Rahmonnyń Astanaǵa jasaǵan saparlarynyń qorytyndylaryn oń baǵalady. Bul saparlar qazaq-tájik qatynastarynyń erekshe sıpatqa ıe ekenin kórsetti.
Budan bólek, prezıdentter óńirlik kún tártibin, sondaı-aq transshekaralyq sý kózderin paıdalaný jáne saýda-ekonomıkalyq yqpaldastyq máseleleri jónindegi ýaǵdalastyqtardyń júzege asyrylý barysyn talqylady.