Premer-mınıstr Álıhan Smaıylov «Báıterek» ulttyq basqarýshy holdınginiń ujymyna jańa basshy Nurlan Baıbazarovty tanystyrdy, dep habarlaıdy Egemen.kz Úkimettiń baspasóz qyzmetine silteme jasap.
Nurlan Baıbazarov memlekettik qyzmette de, kvazımemlekettik sektorda da jaýapty qyzmetter atqarǵan. Atap aıtqanda, qarjy jáne ulttyq ekonomıka mınıstrlikterinde, «Qazaqstan temir joly» jáne «QazMunaıGaz» ulttyq kompanııalarynda, О́nerkásipti damytý qorynda jumys istedi. Byltyr qarasha aıynan bastap ol Qazaqstan damý bankinde basqarma tóraǵasy boldy.
Álıhan Smaıylov Memleket basshysy halyqqa Joldaýynda «Báıterek» holdınginiń qyzmetin transformasııalaý jáne aýqymdy sıfrlandyrý boıynsha mindet qoıǵanyn eske saldy.«Nátıjesinde bıýrokratııalyq kedergiler joıylyp, ótinimderdi qaraý merzimi qysqaryp, bıznes qaýymdastyǵynyń qoldaý sharalary týraly habardar bolý deńgeıi artýy qajet. Jańa basshy aldaǵy josparlardyń oryndalýyn qamtamasyz etýi tıis», dedi Premer-mınıstr.
Sonymen qatar ol «Báıterek» básekege qabiletti bıznesti damytý, halyqty qoljetimdi baspanamen qamtamasyz etý jáne respýblıkanyń azyq-túlik qaýipsizdigin nyǵaıtý boıynsha jumystardy kúsheıtýi qajet dep atap ótti.
Qorytyndylaı kele, Premer-mınıstr holdıng ujymyna júktelgen barlyq mindetterdi sheshýde tabysty jumys tiledi.