Shahanov fenomeni Táýelsizdikten keıingi jas býynnyń rýhty, jigerli bolyp qalyptasýyna ıgi yqpalyna tıgizdi. Aqynǵa eliktegen órender ádiletsizdikke, jigersizdikke jany kúıip, otandy súıýdiń dara sıpatyn uǵyndy. Eldik sarynda jazylǵan rýhty jyrlar ár keýdege aıshyqty iz qaldyrǵany sózsiz.
Elordadaǵy «Qalamgerler» alleıasynda Qazaqstannyń Eńbek Eri, Halyq jazýshysy Muhtar Shahanovpen kezdesý ótti.
Kezdesý Alash ardaqtylarynyń eskertkishterine taǵzym etip, gúl shoqtaryn qoıý rásiminen bastaldy.
Alǵashqy sóz kezegin alǵan aqyn, Qazaqstan jazýshylar odaǵy Astana qalalyq fılıalynyń dırektory Dáýletkereı Kápuly qadirmendi qonaqqa oqyrman lebizin jetkizdi. Munan soń qaladaǵy Tólegen Aıbergenov atyndaǵy №16 mektep oqýshylary aqynnyń jaýhar jyrlaryn birinen soń biri jatqa oqydy.
Ánshi, «Mádenıet salasynyń úzdigi» Nuraı Tanabaev aqynnyń óleńine jazylǵan «Aq bantık» ánin oryndap, kópshiliktiń kózaıymyna aınaldy.
– Kezinde Gıtlerden eldi qalaı jaýlap alýǵa bolatynyn suraǵanda ol: «Jeńil ánderdi nasıhattaı bersek, olardy rýhsyzdyqqa ushyratamyz» degen. О́kinishke qaraı, qazir sol úrdis óris alyp otyr. Men shyndyǵy joǵalǵan erdi er, áıeldi áıel dep moıyndamaımyn. Sanaly ǵumyrymdy aqıqat jolyna arnadym. Shynshyl aqyn bolý degen – azaptyń eń azaby. Osy joldyń shyńynda jolyǵýǵa barshańyzdy shaqyramyn, – dedi M.Shahanov.
Kezdesý sońynda alleıaǵa aqyn óz atynan tal ekti.