ShYŃDALÝ MEKTEBI

Elimizdiń irgesiniń berik bo­­­lý­ynda oǵan alǵashqy kezekte sebepker bolatyn, árıne, onyń aıbyndy armııasy. Al ondaǵy jaýyngerlerdiń Otan úshin kirpik qaqpaı qyzmet etip jatqandarynan, shyny kerek, kóp­shi­ligimiz beıhabarmyz. Bul qalam ustaǵan qaýymǵa da qatysty. Áskerı ómirdiń tynys-tirshiligin buqaraǵa ózindik jańa jańalyqtarymen ta­nys­tyrýda elimiz Qorǵanys mı­nıstrligi arnaıy is-shara uıymdas­tyrdy. Bul jolǵy sapar Qaraǵandy oblysynyń Spassk kenti boldy. Spasskige barmas buryn Qorǵanys mınıstrliginiń baspasóz qyzmeti BAQ ókilderin Qaraǵandy qala­syn­daǵy “Astana” óńirlik qolbas­shy­lyǵynyń bas shtabyna alyp keldi. Munda jýrnalısterge general-maıor Músilim Altynbaev baspasóz brı­fıngin ótkizdi. О́ńir qolbasshysy­­­­nyń áńgimesinde áskerı oqý-jattyǵý jı­yndary jáne Elbasy tapsyr­ma­synyń oryndalý barysy sóz boldy. Osydan soń áriptester shtab mu­rajaıyn tamashalap, “Jaýyngerler baýyrlastyǵy” áskerı-patrıottyq ansambliniń otansúıgishtik sezimderge toly ánderin tyńdady. Áskerı ómirdiń qyr-syryn kóz­ben kórip áser alýlary úshin Spass­kidegi oqý-jattyǵý alańynda jýr­na­lıster tankıst te, nysana kózdeıtin mergen de bolyp kórdi. Osy synda kózge túsken áriptesterge general al­ǵys hattardy tabys etti. Bul turǵyda sol jerdegi sardarlar men sarbaz­dardyń eńbekterin de nazardan tys qaldyrmaǵan abzal. Qaraǵandy oblysyndaǵy Spassk kentinde jalaýyn kótergen Qazaq­stan Respýblıkasy Qarýly Kúshteri kishi mamandar men rezervtegi kadr­lardy daıyndaý oqý ortalyǵynyń ashylýy el Qarýly Kúshteri Joǵar­ǵy Bas qolbasshysynyń qoıǵan tap­syr­masyn oryndaý barysyndaǵy ja­salǵan naqty qadamdardyń biri deý kerek. Ári bul shara áskerge min­detti azamattardy jańasha daıyndaý jáne jınaqtaý kórinisi bolyp tabylady. – Oqý ortalyǵynyń ashylý sal­tanatynda mun­daı jıyndar Qa­rý­ly Kúshter ta­rıhynda tuńǵysh ret ótkizilip otyr, – dep atap ótti Qor­ǵanys mınıs­tri Ádilbek Jaq­sy­bekov. – Bul – el armııasynyń da­mý tarıhyndaǵy jańa kezeń. Ús­ti­mizdegi jy­ly ja­laý­yn kó­tergen áskerı jıyn qa­zaq­stan­dyq pat­rıotızmge tár­bıe­leıtin, sa­la­matty ómir sal­tyn qu­rý­ǵa yqpal etetin er­lik mek­tebi bolmaq. Úkimet sheshi­mimen ústimizdegi jy­ly – 1200, al keler jyldary 2000 ás­kerge mindetti azamat 9 oqý or­talyǵy men áskerı bólimderde 34 mamandyq boıynsha motoatqyshtar men arnaıy áskerler, avıasııa, baı­lanys sııaqty daıyn­dyq jıynynan ótpekshi. Bul jı­yn­ǵa Qazaqstannyń barlyq oblys­ta­ryndaǵy eriktiler tartylýda. Atap óterligi, munda júr­gen­de olardyń jumys orny men qyz­met laýazymy saqtalady. Bul ji­gitterge ortasha eńbekaqy Qorǵanys mınıstrligi bıýdjeti esebinen tólenetin bolady. – Oqý barysynda ózderiniń jeke kásibı daıyndyǵy boıynsha joǵary nátıje kórsetkenderge jáne keli­sim­-shart boıynsha áskerde qalýǵa nıet bildirgenderge belgilengen tár­tip boıynsha jergilikti áskerı bas­qa­rý organdary arqyly shaqyrylýǵa bolatyndyǵy oqý ortalyǵynyń saltanatty túrde ashylýy kezinde atap ótildi. “Kez kelgen armııanyń jaýyngerlik ázirligi, ol qanshalyqty zamanaýı qarý-jaraqpen, áskerı tehnıkamen jabdyqtalsa da, birinshi kezekte mamandardyń daıyndyǵy men kásibıligi arqyly baǵalana­tyndyǵy belgili”, –dep atap ótti osy máselege baılanysty Qorǵanys mınıstri Ádilbek Jaqsybekov. Jıyndy ótkizýdiń negizgi maq­sa­ty – áskerı mindettilerdiń áskerı bi­limi men daıyndyq deńgeıin art­ty­rý. Sonymen birge, jańa qarý-jaraq pen áskerı tehnıkany meń­gerý daǵ­dysyn qalyptastyrý. Tıisti maman­dyqtar boıynsha áskerı sheberligin jetildirý. Osy arqyly Qarýly Kúsh­terdiń jaýyngerlik jáne ju­myldyrý ázirligin arttyrý. Atalmysh oqý ortalyǵynda ás­kerı daıyndyqtan ótip jatqan sar­bazdardyń ózgelerden ereksheligi – 27 jastan asqan, kezinde túrli sebep­termen ásker qataryna alynbaǵan azamattar. Mundaǵy aıǵa jýyq ótetin áskerı oqý-jattyǵýlardyń alǵashqy bes kúni oqý-tanysý bolsa, qalǵan úsh aptasy mamandyqtarǵa daıyndaıdy. Bul jerde 10 maman­dyq boıynsha sarbazdar daıynda­lady. Osyndaǵy áskerı mindetin at­qaryp jatqan júzge jýyq sarbazdyń ishinde muǵalim de, zań qyzmetkeri de, qarapaıym qyzmetker de bar. Olardyń Otan aldyndaǵy áskerı boryshqa kesh te bolsa kelip jat­qan­daryna qýanyshty ekendikterin bul jigittermen kezdesýde biz aıqyn ańǵardyq. Qaraǵandy oblysynyń Abaı aýdanyndaǵy Topar aýylynan kelgen Dosym Aldajar óziniń Otan aldyndaǵy boryshyn atqaryp jat­q­a­nyna sheksiz qýanyshta ekenin jetkizse, petropavldyq 31 jastaǵy Alekseı Zotov árbir er-azamat óz Ota­nyn qorǵaý boryshyn ótegenin ar­mandaıdy, men sol armanyma bú­gin jetip otyrmyn, dedi. Sondaı-aq Qaraǵandynyń Osakarov aýda­ny­nan kelgen 30 jastaǵy Samat Qoja da, onyń qurdasy baıqońyrlyq Asyl­bek Otyzbaev ta ózderiniń úlken tebireniste turǵandaryn jasyrmady. Iá, qıyndyǵy men qyzyǵy qa­tar júretin ásker ómiri el qorǵaýshy azamattarymyzdy shyńdap, Otany­myzdyń qaýipsizdigin saqtaýdy kóz­deıdi. Qaı kezde de el tynyshtyǵyn saqtaý men qorǵaý aıbyndy armııa­myzdyń sardarlary men sarbazdary enshisinde. Al olardyń Otan úshin jasap jatqan ıgi jumystaryn jurt­shylyqqa jarııalaý BAQ ókilderiniń quzyrynda. Atalǵan is-shara bizge osyny meńzedi. Ábdirahman QYDYRBEK, Qaraǵandy oblysy, Spassk kenti.