Ulttyq mýzeıde «Amandos Aqanaevtyń álemi» atty kórmeniń saltanatty ashylýy ótti. Atalǵan is-shara Kórkem akademııanyń prezıdenti Amandos Aqanaevtyń 75 jyldyq mereıtoıyna oraı uıymdastyrylǵan. Ekspozısııaǵa sýretshiniń keıingi jyldary salǵan jáne qalyń kópshiliktiń nazaryna usynylyp úlgermegen 60-tan astam týyndysy qoıyldy.
Kórme aıasynda shyǵarmashylyq jobalardy talqylaý maqsatynda Kórkem akademııanyń quramyndaǵy tanymal sýretshiler jáne sheteldik óner maıtalmandarymen dóńgelek ústel ótti.
Mádenı jıynǵa kelgen senator Rýslan Rústemov Parlament Senatynyń tóraǵasy Máýlen Áshimbaevtyń quttyqtaý hatyn oqydy.
«О́ner máńgilik, eki el bir-birimen maqtansa, tek tól mádenıeti men óneri, tarıhy men ǵylymyn aıtady. Álemde mádenıet pen ónerdi alyp kúsh dep elestetetin bolsaq, óziniń sán-saltanatymen kelip qosylǵan búkil qazaq mádenıetin, jalpy túrki mádenıetin kórgendeı bolamyz. Osy ýaqytty qaz qalpynda kórsetetin – sýretshi ǵana», delingen onda.
Al TÚRKSOI uıymynyń bas hatshysy Sultan Raev sýretshiniń elimizdiń beıneleý óneriniń damýyna qosqan zor úlesin aıtyp, Amandos Aqanaevtyń kóshpendilerdiń kórkem shejireshisi ekendigin atap ótti.
Amandos Aqanaev týyndylaryn Ulttyq mýzeıdiń 4-qabatynda ornalasqan №2 Beıneleý óneri zalynda tamashalaýǵa bolady. Kórme qazan aıynyń 19-na deıin jalǵasady.