Burynǵydan bes ese tıimdi

Jolaýshynyń da júr­gi­zý­­shiniń de ýaqytyn aıtar­lyq­­­taı únemdeıtin bul joba kólik­terdiń qozǵalysyn 15%-ǵa, Qulja traktisindegi keptelisti 20%-ǵa tómendetýge septesedi.

Jolaıryq qurylysy Alma­ty ákimdiginiń tapsyrysy bo­ıynsha 2018 jyly ázirlenip, 2019 jyly qurylys-montaj jumystary bastalǵan edi.

«Tonnel ashylǵannan ke­ıin jolaıryqtyń aınal­ma bóligindegi keptelis aıtar­lyq­taı tarqatyla túsedi. Buryn ­jer­asty bóligi ashylǵanǵa de­­ıin barlyq kólikter aınalma ­jol arqyly júretindikten, úl­ken keptelister paıda bolýshy edi. 2018 jyly osy jolaıryqty salý arqyly Qulja traktisi men Býhtarmınskaıa kóshesi arqyly áýejaıǵa, Talǵar men jalpy soltústik shyǵys-ba­ǵytqa qaraı ótetin kólik­ter qozǵalysyn jeńildetý qa­jettiligi týraly sheshim qa­byldanǵan edi», deıdi Almaty qalalyq mobıldilik bas­qar­masynyń basshysy Saǵyn­dyq Telibaev.

Jobany júrgizip otyrǵan «Bazis Construction» JShS mer­diger-kompanııasynyń óki­li ári nysannyń basqarý­shy dı­rek­tory Farız Týtadze: «Túrk­sib aýdanyndaǵy jolaı­ryq salý jónindegi iri ınfra­qu­rylymdyq joba 31 qazan­ǵa deıin tolyq aıaqtalady. Búginde sý qubyry jelilerin abattandyrý men qaıta qurý jumystary júrgizilip jatyr. Toraptyń kólik ótkizý qabi­leti 5 esege jýyq ósedi, ony táý­ligine 340 myńǵa deıin avtomobıl paıdalana alady», dedi.

Oǵan qosa osy jobanyń aıasynda Qulja traktisi boıyn­sha estakadanyń aralyq qury­lysyn, Býhtarmınskaıa kóshe­sindegi tonnel bólikti, sezder men túıispelerdi salý bo­ıynsha jumystar aıaqtaldy. Sondaı-aq sý qubyry jelile­rin abat­tandyrý men qaıta qurý jumys­tary júrip jatyr.

Oraıy kelip turǵanda, bú­ginde Almatyda úsh úlken jolaıryq salynyp jatqanyn aıta ketýge bolady. Seıfýllın dańǵyly – Jansúgirov kóshe­sindegi jolaıryq 2024 jyl­dyń sońynda berilýge tıis. Al Saın kóshesi – Móńke bı kóshe­sindegi jolaıryqtyń Móń­ke bı kóshesi jaǵy 2023 jyl­dyń sońyna deıin ashylady. Jańadan iske qosyl­ǵan Býhtarmınskaıa kóshesi – Qulja traktisindegi qozǵalys tolyq ashylǵanymen, abattandyrý jumystary qazan aıynyń so­ńynda aıaqtalady.

ALMATY