Syr boıynda egin naýqany aıaqtalýǵa jaqyn qaldy. Búginge deıin egilgen 89 myń gektar kúrishtiń 63 myń gektary orylyp, onyń 53,4 myń gektary bastyryldy. Osy kúnge deıin 285,3 myń tonna Syr marjany jınaldy. Gektaryna ortasha 53,4 sentnerden kelip otyr. Mańyzdy naýqan uzaǵanda apta kóleminde aıaqtalyp qalady.
Naýqan aldynda sharýashylyqtar esebinen 4 239 tehnıka egin jınaý men dala jumystaryna daıyndaldy. Oblysqa kúzgi egin jınaý jumystaryna 9,1 myń tonna, jemshóp qoryn jasaqtaýǵa qosymsha 1,5 myń tonna arzandatylǵan dızel otyny bólinipti.
Bıyl oblysta aýyl sharýashylyǵy daqyldary egilgen alqap byltyrǵymen salystyrǵanda 4,8 myń gektarǵa ulǵaıyp otyr. Ásirese egisti ártaraptandyrýǵa mán bergen sharýalar dándik júgerini – 1,2 myń, súrlemdik júgerini – 1,4 myń, kúnbaǵysty – 179, soıany – 64, qant qumaıyn 195 gektarǵa ekken. Bes gektar aýmaqqa qant qyzylshasyn sepkender de bar. Bul daqyldardyń barlyǵy qazir tolyq jınalyp boldy.
Dıqandar ekken kartoptyń 92,1%, kókónistiń 97,8%, al baqshanyń 94,2% jınalyp, qambaǵa tústi.
Qyzylorda