Tarazdaǵy ońaltý ortalyǵy

Derekterge júginsek, óńir bo­ıynsha 45 myńnan asa múge­dek­tigi bar azamat tirkelgen eken. Múmkindigi shekteýli aza­­mattardy qajetti ońaltý qu­ryl­ǵylarymen qamtamasyz etý maqsatynda osy jyldyń ózinde 3,6 mlrd teńge qarjyǵa negizgi qurylǵylar satyp alyn­­ǵan. Arnaýly áleýmettik qyz­m­etterdi usyný maqsatynda 21 medısınalyq mekeme qyz­met atqaryp otyrǵanyn aıta ketken jón. 1 689 azamat sol mekemelerge júginedi. Jalpy, qolǵa alynǵan jumystardy júzege asyrý úshin 7 mlrd teń­ge qa­ra­jat qarastyrylǵan.

«Múgedektigi bar azamat­tar­dyń ómir súrý sapasyn arttyrý jáne olarǵa qoldan kelgenshe áleýmettik qoldaý kór­setý – mem­lekettik saıa­sattyń basym baǵyt­ta­rynyń biri. Taǵdyr­dyń taýqymetin tartqan jerlesterge jergilikti bılik múmkindiginshe qoldaý kórsetýge ázir. Qazirgi kezde erekshe qajettilikke muqtaj adam­­dardyń jaǵdaıyn jaqsar­typ, olardyń qoǵamda teń múmkindikke qol jetkizýin qam­­tamasyz etý, kókeıkesti máse­­lelerine qoǵamnyń naza­ryn aýdarý, quqyqtaryn qor­­ǵaý bo­ıynsha jergilikti at­qarýshy bılik tarapynan túrli is-shara qolǵa alynyp otyrǵany belgili. Memleket basshysy Qasym-Jomart Toqaev óz Joldaýynda «Áleý­mettik jaǵynan álsiz top­taǵy azamattarǵa qoldaý kór­setemiz» dep atap ótkeni má­lim. Al bul jumystardy jú­ıe­­li túrde júzege asyrý – biz­diń mindetimiz. Bılik ta­ra­­pynan jasalyp otyrǵan qam­qorlyqtyń nátıjesinde elimiz­degi múmkindigi shekteýli azamattardy ońaltý men beıim­deý ju­mystaryna aıryq­sha kóńil bólinip otyr. Jambyl oblysynda da aýyz toltyryp aıtarlyqtaı jumystar atqarylyp jatyr. Eń bastysy, biz bul baǵyt boıynsha qolǵa alyn­ǵan jumystardy úz­diksiz jal­ǵas­tyramyz», deı­­di óńir basshysy Erbol Qarashókeev.

Jańa ortalyqtyń ashylý saltanatyna arnaıy qatysqan Eńbek jáne halyqty áleýmettik qorǵaý vıse-mınıstri Nazgúl Saǵyndyqovanyń aıtýynsha, elimiz boıynsha Abaı oblysynyń ortalyǵy Semeı qala­synda jáne Áýlıeata jerinde ǵana zamanaýı ońal­tý ortalyǵy ashylypty. Muq­taj jandardyń ıgiligine salynǵan ortalyqtardyń qu­ry­lysyna 5,5 mlrd teńge qara­jat qarastyrylǵan.

О́ńir turǵyndarynyń ıgili­gine berilgen áleýmettik ońaltý ortalyǵynyń jalpy aýmaǵy 4,932 gektardy qu­raıdy. Ońaltý orta­lyǵy 5 blokten turady. Munda júzý basseıni, májilis zaly, emde­lý­shi­lerge arnalǵan sportzal, úsh qabat­tan turatyn emdeý korpýsy jáne eki qabattan turatyn stasıo­nar bar.

Jaýapty mamandar keltir­gen derekterge sensek, I jáne II toptaǵy múgedektigi bar azamattardy emdeý sharalaryn júrgizýge qajetti kabınetterde tıisti qurylǵynyń barlyǵy bar. Naqtyraq aıtar bolsaq, kelý­shiler fızıo-emdeý, elektr­men emdeý, ıneli refleksotera­pııa, ozakerıt-parafınmen emdeý, ıngalıasııa, emdik shynyqtyrý, jaryqpen emdeýmen qamtylǵan.

Sondaı-aq kelýshilerdiń jeke jáne toptyq sabaqtarǵa qatysýyna, kompıýterlik tehnıkany úırenýine, tabıǵı materıaldarmen jumys iste­ýine, keste toqýdy meńgerýine jáne ózge birneshe baǵyt boıyn­sha óz-ózin da­mytýyna múm­kindikter qaras­tyryl­ǵan.

Túıindep aıtsaq, múmkindigi shek­teýli azamattar asyǵa kút­ken jańa ortalyq endi tıis­ti sanattaǵy adam­dar­dyń ıgi­ligi úshin qyzmet etedi. Ma­man­dar jyl saıyn 100 azamat­ty ońal­týdan ótkizýge tas-túıin da­ıyn otyr.

Taraz