Memleket qaıratkerin eske alý týrnıri

­Berdibek Máshbekuly óńir­di basqarǵan kezde sporttyń órken­deýine erekshe úles qosty. Buqara­lyq sport qarqyn aldy, qalalar men aýdandarda fýtbol, shaıbaly hokkeı alańda­ry salyndy. Oblys ákiminiń ózi fýtbol dese ishken asyn jer­ge qoıatyn, san ret jarysqa qatys­qanyn kózben kórgen edik.

B.Saparbaevtyń bastamasymen óńirdegi iri kásiporyndar – «Kazsınk», Úlbi metallýrgııa, tıtan-magnıı kombınattarynyń qarjysy esebinen Jekpe-jek saraıy, Olımpııa oıyndary­nyń chempıony Olga Rypakova atyndaǵy zamanaýı jeńil atletıka saraıy, júzý basseıni iske qosyldy. «Kazsınk» JShS úlken tennıs ortalyǵyn, basqa da sporttyq ǵımarattardy paı­dalanýǵa berdi.

Taǵy bir erekshe aıta ketetin jaıt, Berdibek Máshbekuly ­kadrlardy iriktep, olarǵa ózi­niń memlekettik qyzmettegi mol táji­rıbesin úıretýde iskerlik pen ilkimdilik tanytty. Mysaly, ózinde kómekshi bolǵan Jaq­sylyq Omarov sońynan ákimdikte bólim meńgerýshisi, oblys ákimi­niń orynbasary, Almaty obly­sy ákiminiń orynbasary qyz­me­tin atqardy. Keıingi tórt jyldan beri Jaqsylyq Muqashuly – О́skemen qalasynyń ákimi. B.Saparbaevtyń basqa da shákirt­teri san-salada basshylyq qyz­metter atqaryp júr.

О́skemendegi «Altaı» stadıo­nynda ótken respýblıkalyq týrnırdiń ashylý saltanatyna qala turǵyndary men jarysqa qatysýshylar jınaldy. Qala ákimi J.Omarov B.Saparbaevty eske alýǵa arnalǵan týrnırdiń jyl saıyn ótetininen habardar etti. Budan keıin sóz alǵan Berdibek Máshbekulynyń zaıyby Qaldyǵaısha Zeınýllaqyzy respýblıkalyq týrnırdi ótkizýge muryndyq bolǵan azamattarǵa alǵysyn aıtty.

Týrnır tartysty ótti. Nátı­je­sinde, О́skemenniń «Barys-Mar­­qakól» komandasy birin­shi oryn­dy jeńip aldy. Olarǵa 1 mln­ teńgeniń sertıfıkaty tabys etil­di. Ekinshi jáne úshin­­­shi oryndar­dy Semeıdiń «Jo­laman» men «Aq­sýat» koman­da­lary enshiledi. Olar­ǵa alǵys hattar men 600 myń, 400 myń teńgeniń sertıfıkat­tary tap­sy­ryldy. Marqakóldik Dar­han Iýsýpov – «Úzdik oıynshy», semeılik Saıyn Qýanysh «Úz­dik qorǵaýshy», al Farhat Aıma­nov pen Dýman Dúısenbekov sáıkesinshe «Úzdik shabýylshy» men «Úzdik qaqpashy» atandy. Olarǵa da syı-sııapat jasaldy.

Jeńimpazdarǵa kýboktar men baǵaly syılyqtardy oblys áki­miniń apparat basshysy Erbol Nurǵalıev, B.Saparbaevpen bir­ge qyzmet etken V.M.Golovotıýk tapsyrdy.

Ońdasyn ELÝBAI,

«Egemen Qazaqstan» gazetiniń ardager jýrnalısi

О́SKEMEN