Jastarǵa jiger bergen

Memleket basshysy Qasym-Jomart Toqaev Qazaqstan halqy­na Joldaýynda kásipkerlikti damytý jáne ekonomıkanyń ózin-ózi qamtamasyz etýine erekshe nazar aýdardy. Bul baǵytta Máde­nıet jáne aqparat mınıstrligi bir­qatar jobany iske qosyp úl­­gerdi. Sonyń biri – «Zhas Project» ­jobasy.

«Zhas Project» – áleýmettik jobalar men bıznes ıdeıalardy qarjylandyrý arqyly halyqtyń osal toptaryn, ásirese aýyldyq jerlerde turatyn jas otandastarymyzdy qoldaýǵa baǵyttalǵan biregeı bastama. Maqsat – 18 ben 35 jas aralyǵyndaǵy jumyssyz retinde tirkelgen azamattardyń basta­malaryna qoldaý kórsetý, olar­dyń óz betinshe damýyna jáne bolashaqta kásibin turaqty órken­de­týine járdemdesý. Osylaısha, NEET sanatyn­daǵy jastardyń sanyn meılinshe azaıtý.

– Ideıasy tyń dep tanylǵan joba ıegerine keminde 6 aı jumys isteýge 1 mln teńgege deıin grant tabys etiledi. Sondaı-aq joba bel­gili bir kásippen aınalysýǵa ǵana múmkindik berip qoımaı, ju­mys taýyp berý arqyly da áleý­met­tik máselelerdiń sheshi­lýi­ne sep­tigin tıgizedi. Iаǵnı jas­tar­dy óz qoǵamynyń áleýmettik-ekono­mı­kalyq ómirine tartýǵa jáne ná­­tı­jeli jumyspen qamtýǵa kó­mek­­tesedi. 2018 jyldan bas­tap bas­taý alǵan «Zhas Project» joba­sy­ 6 óńirde qanatqaqty túrde júze­ge asyrylyp, 250 grant beril­gen. Al bıyl elimizdiń bar­lyq­ óńi­r­degi jastar tartylady dep jos­parlanǵan. Soǵan saı beri­le­­tin grant sany da artty. Osy ret­­te sapaly jáne tıimdi iske asy­­rý úshin ár óńirde ashylǵan arnaıy jobalyq keńseler jumys isteı­­di jáne Call ortalyqtar quryl­dy. Sol keńselerden azamattar qosymsha aqparat ala alady, – dedi Rollan Quspan.

Talaı jasty jarylqaǵan jo­­ba byltyr Almaty, Jetisý, Qa­ra­­­ǵandy, Ulytaý, Mańǵystaý jáne Túrkistan oblysynda sát­ti jú­zege asqan. Máselen, Mań­ǵys­taý­ aımaǵynda byltyr 63 shaǵyn grant berilgen. Nátıje­sin­de, mu­naı­ly aımaqta kásibin dóń­ge­letip otyr­ǵan jastar qatary art­qan. Endi ilkimdi istiń ıgiligin res­pýb­lı­ka­nyń 20 óńirindegi azamattar da kóredi.

– Kóbinese jastar qyzmet kór­­setý baǵytyn tańdaıdy. Qa­l­­a­­­ly jerdegiler sulýlyq salon­­­dary men shashtaraz ashý jaǵy­na basymdylyq berse, aýyl-aımaq­ta­ǵy turǵyndar et-sút ónimderin shy­ǵarý boıynsha bel­sen­dilik tany­tady. Negizi jastarǵa júk­tele­tin mindet – kásiptik ıdeıa qalyp­tastyryp, ony bıznes joba retin­de usyný. Grantqa qol jet­kiz­gen soń tutynýshy tartýy qajet bolady. Irikteý eki kezeńde ótki­­zi­ledi. Jeńimpazdarmen arnaıy kelisimshart jasaımyz. Olarǵa arnaıy tálimger taǵaıyn­da­lady. Olar tálimgermen bir­le­se óz jobalaryn iske asyra­dy. Grant aıasynda alǵan qural-jab­dyqtarynyń barlyǵy ózde­rin­de qalady. Eger qarjyny ma­q­satsyz jumsaý tirkelse Aza­mat­tyq bastamalardy qoldaý orta­ly­ǵynyń kelisimsharttary men qoldanystaǵy zańnamaǵa sáıkes, qarajatty qaıtarý nemese basqa azamatqa berý jumystaryn júrgi­ze­miz, – dedi «Túpqaraǵan jas­ta­ry» qoǵamdyq birlestiginiń tó­raǵasy, Almaty qalasy jáne Mań­ǵystaý oblysynda «Zhas project» jobasyn iske asyrý bo­ıyn­sha grant alýshy Naýryzbek Maǵ­datov.

Baspasóz máslıhatynda ja­qynda ótinim qabyldaý bas­talǵan «Táýelsizdik urpaq­tary» granty týraly da sóz boldy. Alańǵa arnaıy daryndy jastardy qoldaýǵa baǵyttalǵan bastamanyń ıegeri Dınara Naýmova shaqyryldy. Májilis depýtaty birneshe jyl buryn oıda júrgen ıdeıasynyń qalaı júzege asqanyn keńinen aıtyp berdi.

– Meniń tájirıbem, jobam­ keı­de ózime biregeı bolyp kóri­ne­di. Dál qazir Qabanbaı batyr eldi mekeninde júzege asyrylyp jatqan áleýmettik jobanyń avtorymyn. Bul – erekshe bala­lar­dy ońaltý ortalyǵy. Men «Táýel­siz­dik urpaqtary» grantyn beker alǵan joqpyn. Grantqa qol jet­ki­zý de kúrdeli jumys. Alty jyl boıy óz ıdeıam týraly aıtyp, adam­darmen tanysyp, jobanyń mańyz­dylyǵy týraly jetkizip júr­dim. Ár kún saıyn ony júzege asy­rýǵa bir qadam bolsa da ja­qyn­daı túsýge tyrystym. Bul men úshin óte mańyzdy edi. Qazir aına­lysyp júrgen jumysymdy shy­nymen ómirlik máni bar kásip dep ataı alamyn. Mundaı dıagnoz­dy óz basymnan ótkergennen keıin erekshe balalarǵa paıdaly bolý meniń ómir boıy aınalysýǵa da­ıyn­ qyzmetim ekenin túsindim. О́z jobama degen senimim myqty bol­dy. Aqordada Prezıdenttiń qo­lynan maqtaý qaǵazyn alǵan sát­te, keýdemdi maqtanysh sezimi ker­­negeni ras. О́ıtkeni shynymen de mańyzdy is tyndyrǵanymdy jáne ony Memleket basshysy baǵa­­laǵanyn túsindim. Memleket bas­shy­­synyń jastarǵa senetinin jáne osyndaı bastamalar jas býynǵa serpin beretinine kózim jetti, – dedi ol.