Qaı salany bolsyn halyqaralyq talaptar deńgeıine kóterý kerek. Munsyz bolmaıdy. Sondyqtan shet elderdiń tájirıbesin de, qarjysyn da paıdalanýdyń ońtaıly joldaryn izdestirgen abzal. Budan utpasaq, utylmaımyz.
Ulytaý oblysy basshylyǵy densaýlyq salasyna ınvestısııa tartý maqsatynda Fransııa damý agenttigimen (AFD) tyǵyz baılanys ornata bastady.
Jaqynda oblysqa quramynda atalǵan agenttiktiń 6 mamany bar, halyqaralyq deńgeıdegi sarapshy Aleksandra Tırkıýır basqarǵan arnaıy delegasııa keldi. Delegasııany oblys ákimi Berik Ábdiǵalıuly qabyldap, oblystyń densaýlyq saqtaý júıesiniń jaǵdaıy, basym baǵyttar, kózdelgen jobalar, ınfraqurylym men materıaldyq-tehnıkalyq jaraqtandyrý máseleleri boıynsha keńinen áńgime qozǵady.
Álemniń 150-den asa elinde 4 200-den astam jobany júzege asyrýmen aınalysyp jatqan agenttik oblys basshylyǵynyń usynystaryna qyzyǵýshylyq tanytty. Delegasııa óńirdiń keıbir medısına mekemelerine, atap aıtqanda, oblystyq kópsalaly aýrýhanaǵa jáne «Jezqazǵan» medısınalyq ortalyǵyna arnaıy baryp, ondaǵy emdeý úrdisin kózderimen kórdi, pikir almasty.
Fransýz tarapy oblystyń densaýlyq salasyna qatysty máselelerdi odan ári taldaý, talqylaý qajettigine toqtaldy. Demek, ekijaqty baılanys odan ári jalǵasyn tabady.
Ulytaý oblysy