Jańa kópir salynady

Oblys ortalyǵynda halyq sanynyń artýymen kólik qozǵa­ly­s­ynyń kóbe­ıetini túsi­nikti. Bul másele kó­pshi­lik­ti­ tolǵandyryp turǵany daý­syz. Taraz qalasynyń ákimi Baqyt­jan Oryn­be­kov­tiń aıtýyn­sha, temirjoldyń arǵy jaǵyndaǵy aýmaq turǵyndary men ortalyqty baılanystyrý maqsatynda jol ótkeli salynady.

«О́tkel jol salýdyń ma­ńyzy zor ekeni aıtpasa da túsinikti. Osy jyly Abaı­ dańǵylynyń boıynan eki ótkel jol salý úshin jobalyq-smetalyq qujatta­ma ázir­leý kerek boldy. Qujat­tar­dy daıyndaý, mem­le­kettik sa­rap­­ta­­ma­dan ótkizý úshin jer­gi­likti qazynadan qajetti qarajat qaras­­t­yrylyp, konkýrs nátı­je­sine sáı­kes «DEN-KO» JShS jobalaý­shy bolyp­ anyq­talyp, kelisimshart jasaldy.­ Qazirgi kez­de jobalaýshy mekememen joba­lyq­-smetalyq qujattardy daıyndaý ju­mys­tary júrgizilip jatyr», deıdi B.Orynbekov.

Qala ákiminiń aıtýynsha,­ tarazdyqtar uzaq ýaqyt kút­ken kópirdiń uzyndyǵy bir shaqy­rymǵa jeteǵabyl. Al eni 17 metr­di quraıdy. Tıisti qujattar tolyq ázir­­len­gennen keıin de atqarylatyn jumys az emes. Naqtyraq aıtsaq, Abaı dań­ǵylynyń aıaq tusyndaǵy 68 nysandy memleket menshigine qaıtarý jumystary júrgizilmek. Onyń qyryqtan astamy jeke turǵyn úı bolsa, jıyrmadan astamy bıznes nysandar eken. Jospardaǵy jumys oıdaǵydaı júzege assa, kópir qurylysy kelesi jyldyń ekinshi jartysynda bastalmaq.

«Shynyn aıtsaq, kópir salý ońaı sharýa­ emes. Qolǵa alynǵan jumys Mem­le­­kettik múlik týraly zańnyń 62-babynyń 3-tar­maǵynyń 2-tarmaqshasyna sáıkes júrgiziledi. Jer ýchaskesin memleket muq­tajyna alýǵa baılanys­ty ıelikten shyǵa­rylatyn jer ýchas­kesiniń nemese ózge de memlekettik múliktiń naryqtyq quny óte­letinin aıta ketken jón. Áıtkenmen baǵa­ny jergilikti atqarýshy bılik emes, kon­kýrs nátıjesinde jeńimpaz atanǵan kom­­panııa belgileıtinin eskergen lázim. Bir sóz­ben aıtqanda, bul jumys jan-jaqty zer­de­lengennen keıin qurylys bas­talady», deıdi qala ákimi.

Qalaı desek te, tarazdyq­tar temir­joldyń arǵy ja­ǵyndaǵy turǵyndar men orta­lyq­­ty baılanystyratyn ótkel­diń qajettigin jyldar boıy ózekti másele retinde kó­ter­­geni málim. Jyl buryn qala­ ákimi qyzmetine kirisken B.Orynbekov turǵyndardy tolǵandyrǵan ótkir máseleni ońynan sheshýge bar kúshin salatynyn aıtqan edi. Soǵan qaraǵanda aldaǵy birneshe jyldyń bederinde kópir salý máselesi tolyqtaı sheshimin tabatyn sekildi.

Taraz qalasy