Ulytaý oblysynda kómir ár tonnasyna 13 700-19 500 teńge aralyǵynda satylyp jatyr. Baǵanyń árkelkiligi, árıne, jol shyǵynyna baılanysty ekeni túsinikti.
Qazirgi kezde Jezqazǵan qalasynda «Ferrit ı K» JShS jáne «Kómir garant» JShS jetkizip jatqan kómirdi negizinen Jezqazǵan, Sátbaev qalalary men Ulytaý aýdanynyń turǵyndary satyp alyp jatyr. Jańaarqa aýdanynyń ortalyǵy Atasý kentinde kómir «PSV 86» JShS arqyly taratylýda. Aýdan sharýashylyqtary men Qarajal qalasynyń, Jáırem kentiniń turǵyndary úshin kómirdi osy jerden alý qolaıly bolyp tur.
Sondaı-aq «Shubarkól» AQ men aýdan ákimshiligi arasyndaǵy kelisimge baılanysty Shubarkól kómir kenishinen Ulytaý aýdanynyń fermerleri úshin eger jergilikti bılik olardyń tizimin beretin bolsa, kómirdiń ár tonnasy 9 myńnan bosatylady. Bul týraly Parlamenti Májilisiniń depýtaty Erbolat Satybaldın habarlady.