Álisher Kelgenbaı áıgili shved shabýylshysy Zlatan Ibragımovıchtiń stılinde ádemi gol soqqan. Bul týraly Sports.kz portalynan málim boldy, dep habarlaıdy Egemen.kz.
Álisher Kelgenbaı jattyǵý kezinde ózine qaraı ushyp kele jatqan dopty buryla kelip, qaqpaǵa soqqan. Atalǵan beınerolık Instagram jelisinde jalpy sany 68 mıllıon jazylýshysy bar 433 paraqshada jarııalanyp, nebári eki saǵatta 403 myńnan astam lúpil jınap úlgergen.
Otandasymyzdyń goly 2012 jyly Anglııa komandasymen ótken joldastyq kezdesýde aty ańyzǵa aınalǵan Zlatan Ibragımovıchtiń aıyp alańynyń syrtynan soqqan golyna uqsas boldy.